Late 102:28 - Tedim Bible

²⁸ Na nasemte’ tate, lungmuangin om ding uh a, amau suan-le-khakte nangma mai-ah kip ding uh hi.

Tedim Bible Revision 2017

²⁸ Na nasemteʼ tate lungmuangin om ding uh a, amauʼ suanlekhakte na mai ah kip ding uh hi.

Late 102:28 Referans Kwoze

Isaiah 66:22

Ka bawl ding vantung thak leh leitung thak pen ahih leh keima mai-ah kip ding hi; tua mah bangin na suan na khakte uh leh na min uh kip ding hi, Topa in ci hi.

Isaiah 65:22

Amaute in inn lamin midang teeng cih om lo ding hi; amaute in suan-in adang khat in ne cih om lo ding hi; bang hang hiam cih leh keima mihingte’ hun pen singkung khat’ nuntak tan bang sawt ding a, keima teel mite in amau khut tawh a sepsa nate lungdamin ne suak ding uh hi.

Isaiah 53:10

Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Late 89:4

Na suan na khakte kumpi-in ka kipsak suak ding a, na kumpi gam, khang tawntungin ka kipsak ding hi,” na ci khin hi.

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

JOB (Job) 10:5

Na nuntakna kote’ aa tan bang lelin ngaihsun na hi hiam?

Isaiah 41:4

A kipat cil-a kipan a khang khang-a mite a sam, hih nasep semin a bawl kua ahi hiam? A masa leh a nunung, Topa ahi keimah ka hi hi; kei in Amah ka hi hi.

Isaiah 43:13

“Kei in Amah ka hi a, a kipat cil-a kipanin zong kei in Amah ka hi hi; keima khut sung panin a lakhia zo kuamah om lo hi; keimah in na ka sem a, kua in hong nokkhak zo ding ahi hiam?

Malakhi 3:6

Keimah in Topa ka hi a, lungsim a kheel lo mi ka hi hi. No Jakob’ suan-le-khakte aw, a sia cimit na hi nai kei uh hi.