Late 102:25 - Tedim Bible

²⁵ Tanglai hunin nangmah in leitung bulpi na koih a, vantungte zong nangma khut tawh na bawlsa ahi hi.

Tedim Bible Revision 2017

²⁵ Tanglai hunin nangmah in leitung bulpi na koih a, vantungte zong nangma khut tawh na bawl sa ahi hi.

Late 102:25 Referans Kwoze

Piancilna 1:1

A kipat cil-in Pasian in vantung leh leitung a piangsak hi.

Paikhiatna 20:11

bang hang hiam cih leh a ni guk sung tengin Topa in van leh lei, tuipi leh tuate' sunga om khempeuh bawl a, a ni sagih ni tawlnga hi; tua ahih ciangin Topa in sabbath ni thupha pia-in siangthosak hi.

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Piancilna 2:1

Tua ahih ciangin vantung leh leitung leh a sunga omte khempeuh kiman khin hi.

Late 96:5

Bang hang hiam cih leh minam dangte’ pasiante khempeuh in milim hi lel a, ahih hangin Topa ahih leh vantungte a bawlpa ahi hi.

Late 90:2

Mual liante leitang leh leitung na bawl mapek, a tawntunga kipan a tawntung dongin nangmah in Pasian na hi hi.

Late 92:9

Bang hang hiam cih leh, Topa aw, na galte en in, bang hang hiam cih leh, en in, na galte beimang ding hi; siatna bawl khempeuhte kithehthang ding uh hi.

Isaiah 38:10

Ka hat saan lai takin a si ding ka hi ta a, ka kum om lai teng khempeuh sihna kong ah a om dingin hong kiseh hi ta hi, ka ci hi.