Late 102:2 - Tedim Bible

² Ka cihmawh hunin kei kiang panin bu kei in! Keima lam hong nga in la, kong sap ciangin hong dawng pah in!

Tedim Bible Revision 2017

² Ka cihmawh hunin kei kiang panin bu kei in. Keima lam hong nga inla, kong sap ciangin hong dawng pah in.

Late 102:2 Referans Kwoze

Late 69:17

Na nasempa kiang pan na maitang seel kei in la, kei cimawh ka hih ciangin hong dawng meng in.

Isaiah 8:17

Jakob innkuante’ kiang panin a maitang a seel Topa ngakin amah ka muang ding hi.

Late 27:9

Kei kiang panin na maitang seel kei in. Hehna tawh na nasempa hawlkhia kei in, kei hong huh ngeipa na hi hi. Hong paaikhia kei in la, hong nusia kei in, ka kihotkhiatna Pasian aw!

Late 104:29

Na maitang na seel ciangin amaute khasia uh hi; amau’ husan’na na lakkhiat ciangin, amaute si-in amau’ pian’na leivui-ah ciahkik uh hi.

Late 70:1

Pasian aw, keimah hong honkhia nuam in! Topa aw, keimah huh dingin hong manlang in!

1 KORIN MASA 10:13

Mi in a thuak theih loh ze-etna khat beek na thuak kei uh hi. Pasian in thumanna lungsim tawh kidim ahih ciangin na thuak zawh loh uh ze-etna hong tun’ nadingin thu a pia kei ding hi. Note in na thuak ding uh ze-etna a hong tun’sak ciangin na thuak zawh nadingun suahtak nading lampi zong hong bawlsak ding hi.

Late 143:7

Topa aw, kei hong dawng mengmeng in! Kei ka cimawh ta hi! Leihawm sung misite kiang-a paisukte tawh ka kibat loh nadingin kei kiang panin na maitang seel kei in.

Late 71:2

Na thumanna tawh keimah hong gum in la hong honkhia in; kei lamah na bil hong ngat in la hong hon in!

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Late 40:13

Topa aw, keimah hong honkhia nuam in! Topa, keimah huh ding hong manlang in!

Late 31:2

Na bil hong ngat in la, hong hon pak in! Ka belh ding suangpi hong hi in la, kei hong dal ding munkip muan’huai hong hi in!

Late 22:19

Ahih hangin, Topa aw, gamla om ke’n! Keimah hong huhpa aw, huh dingin hong manlang ta’n!

Late 13:1

Topa aw, bang tanvei hi ding ahi hiam? Kei hong mangngilh paisuak ding na hi hiam? Bang tanvei kei kiang pan na maitang seel ding na hi hiam?

JOB (Job) 34:29

Pasian in bangmah hih het kei taleh zong, kuamah in Pasian mawhsak zo lo ding hi. Amah in hong maingat het kei leh zong, kuamah in bangmah cih zo tuan lo ding hi.

JOB (Job) 7:21

Bang hangin ka khialhna hong maisak lo a, ka mawhna hong paihkhiat sak lo na hi hiam? Tu-in han sungah ka lum ding a, nong zon’ hangin ka na om kei ding hi,” a ci hi.

Isaiah 65:24

Amaute in hong sap ma-in ke’n ka dawng ding a, thu a gen laitakun ka za ding hi.

Paikhiatna 2:23

Tua ni tampi hun sung kikalin Izipt kumpipa si hi. Israel mite a salsuahna sung uh-ah thumin, huhna ngenin kiko khia uh a, a salsuahna sung uh-ah amau’ kikona Pasian' kiang tung hi.

Paikhiatna 2:24

Pasian in amau’ thumna za-in, Pasian in Abraham, Isaak leh Jakob tawh a thuciamna phawk hi.

Late 17:1

Topa aw, thuman kong ngetna hong za in la, ka otna aw hong ngai in! Zuau baang lo muk pana ka thugetna hong ngai in!