Late 102:16 - Tedim Bible

¹⁶ Bang hang hiam cih leh Topa in Zion khua lam ding a, ama minthan’na hong kilang ding hi;

Tedim Bible Revision 2017

¹⁶ Bang hang hiam cih leh Topa in Zion khua lam dinga, ama minthanna hong kilang ding hi.

Late 102:16 Referans Kwoze

Jeremiah 33:7

Judah mite leh Israel mite ka hausak kik ding a, nidang-a a om ngei bangun ka om sak kik ding hi.

Late 147:2

Topa in Jerusalem khuapi lam a, amah in a kinilkhia Israelte kaikhawm hi.

Micah 2:9

Ka mihingte’ numeite amau’ inn nuam panin na hawlkhia uh a, a tate un a ngah ding keima thuphate na taan paisuak sak uh hi.

Jeremiah 31:4

Aw, nungak siangtho ahi Israel aw, nang kong bawl pha kik ding hi. Na khuangte na man kik ding a, a gual nuamte’ laamna-ah na va kihel ding hi.

Isaiah 66:18

Bang hang hiam cih leh amau nasepnate leh amau ngaihsutnate ka thei a, minam khempeuh a khawm dingin ka hong pai hi; amaute hong pai-in ka minthan’na mu ding uh hi.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Isaiah 60:7

Kedar gam tuu honte khempeuh nangma kiangah hong kipuak ding a, Nebaioth mite’ tuutalte nangma deihna ah kizang ding hi; keima biakna tau tungah piak dingin tuate hong kipaipih ding a, keimah in a minthang ka inn ka minthangsak semsem ding hi.

Isaiah 14:26

Hih ngimna pen leitung buppi’ adinga a kingim ahi hi, hih ka khut pen minam khempeuh daanpiak nadingin a kizan ahi hi.

Late 97:6

Vantungte in ama thumanna genkhia a, mi khempeuhte in ama minthan’na en uh hi.

Late 69:35

Bang hang hiam cih leh Pasian in Zion hon-in Judah khuapite lamkik ding a, ama nasemte tua lai-ah teengin tang pah ding uh hi;

Late 51:18

Na lungkimna pha tawh Zion tungah a pha bawl in; Jerusalem kulhpite ciang kik in,

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Isaiah 60:3

Nangma khuavak sungah minam dangte hong pai ding uh a, nangma taan’khiatna sungah kumpite hong pai ding uh hi.

Malakhi 1:14

A tuuhon lakah tuutal cidam nei napi-in, a kamciamsa bangin kei tungah hong piak ciangin, a sitbaang ganhing hong pia mi khempa in samsiatna thuak ta hen. Bang hang hiam cih leh keimah in a lian mahmah Kumpipa ka hi a, minam khempeuh in kei hong zahtak uh hi,” a ci hi.