Late 102:13 - Tedim Bible

¹³ Nangmah tho-in Zion khua na hehpih ding hi; amah na angvan hun ding hi ta hi; a kiciangtansa hun hong tung khin hi.

Tedim Bible Revision 2017

¹³ Nangmah tho-in Zion khua na hehpih ding hi. Amah na angvan hun ding hi ta a, a kiciangtan sa hun hong tung khin hi.

Late 102:13 Referans Kwoze

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

Isaiah 60:1

Jerusalem khuapi aw, tho in la, sun nitaang bang in! Topa minthan’na in nangma tung hong taan’ zo hi.

Isaiah 40:2

Dam takin Jerusalem hopih un. Ama gimna hun bei ta a, ama mawhna kimaisakin, ama khialhnate khempeuh hangin Topa in a zah nih in daantat khin zo hi, ci-in ama tungah gen un.

Late 44:26

Tho to in, ko huh dingin hong pai in! Na itna kip hangin kote hong honkhia in!

2 PETER NIHNA 3:8

Ahih hangin ka itte aw, Pasian ading ni khat in kum tul khat bang ahi zongin, kum tul khat in ni khat bang ahi zongin, hih thu khat na mangngilh kei un.

Sawltak 1:7

Zeisu in, “Pa in ama ukna-ah a koihsa a hun ahi zongin, a ni ahi zongin na theih nadingun thu a om kei hi.

Late 7:6

Tho in, Topa, hehsa-in thasaan in la, ka galte’ hehna hong dal in; khanglo in, ka Pasian aw, thukhen nading khat na seh khin zo hi.

Daniel 12:9

Amah in, “Daniel aw, tu-in ciah in, bang hang hiam cih leh hih thute in beina hun a tun’ mateng selcip a, ciamteh ding ahi hi.

Jeremiah 31:23

A vanglian Topa, Israel mite’ Pasian in hong gen-inah: “Keimah in amaute a gam uhah ka omkik sak ciangin, Judah gam leh a khuapite uhah amaute in, ‘Thuman thutak teen’na mual siangtho aw, Topa in thupha hong pia ta hen,’ ci-in a genkik leuleu ding uh hi.

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Late 75:2

A hun ka sehsa ni ciangin thu a maanin ka khen ding hi.

Late 51:18

Na lungkimna pha tawh Zion tungah a pha bawl in; Jerusalem kulhpite ciang kik in,

Paikhiatna 3:15

Pasian in zong Moses' kiangah, “'Hih thu Israel mihingte' tungah gen in, "Topa, na pate’ Pasian, Abraham’ Pasian, Isaak’ Pasian, leh Jokob’ Pasian in note' kiangah kei hong sawl hi," ci in: hih in keima' min hi tawntung a, tua ahih manin keimah in khang tawntunga phawk ding ka hi hi.

Late 90:2

Mual liante leitang leh leitung na bawl mapek, a tawntunga kipan a tawntung dongin nangmah in Pasian na hi hi.

Late 92:9

Bang hang hiam cih leh, Topa aw, na galte en in, bang hang hiam cih leh, en in, na galte beimang ding hi; siatna bawl khempeuhte kithehthang ding uh hi.

Late 135:13

Topa aw, nangma min kip tawntung hi, Topa aw, nangma minthan’na khang tawntungin a kip hi.