Late 102:1 - Tedim Bible

¹ Topa aw, ka thungetna hong za in la, ka hong thuumna hong ngai in.

Tedim Bible Revision 2017

¹ Topa aw, ka thungetna hong za inla, ka thumna hong ngai in.

Late 102:1 Referans Kwoze

Late 18:6

Ka gimna-ah Topa ka sam a, ka Pasian’ tungah huhna ngenin ka kiko hi. Amah in a biakinn panin ka aw hong za a, amah ka kohna aw in a bilte va ban hi.

Late 61:2

ka lungsim a neu ciangin, leimong panin nang kong sam hi. Kei sanga a sangzaw suangpi tungah nangmah in hong paipih in;

Late 39:12

“Topa aw, ka thungetna hong ngai in la, ka kikona hong za in; ka khitui luan’na hong don loin om mawk kei in; Bang hang hiam cih leh ka pu ka pate khempeuh bangin keimah in na zin, na peemta ka hi hi.

Paikhiatna 2:23

Tua ni tampi hun sung kikalin Izipt kumpipa si hi. Israel mite a salsuahna sung uh-ah thumin, huhna ngenin kiko khia uh a, a salsuahna sung uh-ah amau’ kikona Pasian' kiang tung hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Luka 22:44

Amah gim mahmah ahih ciangin, nakpi-in thungen a, a khua-ul in lei tungah sisan malgol bangin a kia hi.

Kah la 3:44

Na hehna in meiipi zahin sah lua ahih manin, ka thungetna uh na kiang a hong tung zo kei hi.

Kah la 3:8

Hong huh un ci-a ka kiko hangin ka kikona aw a pua lamah a kiza zo kei hi.

Late 143:7

Topa aw, kei hong dawng mengmeng in! Kei ka cimawh ta hi! Leihawm sung misite kiang-a paisukte tawh ka kibat loh nadingin kei kiang panin na maitang seel kei in.

Late 143:4

Tua ahih ciangin ka cih nading ka thei nawn kei a, ka lungtang-ah si teeng lo hi.

Late 5:2

Ka Kumpi leh ka Pasian aw, nangma tungah hong thum ka hih manin ka kikona aw hong ngai in.

2 KHANG TANGTHU NIHNATE 30:27

Tua ciangin siampite leh Levi mite ding-in mite thupha pia uh a, amau’ awging kiza-in, amau’ thungetna in vantung a, a siangtho ama teen’na banto hi.

1 SAMUEL MASA 9:16

“Zing ciang tu bang hunin Benjamin gam sung panin nang kiangah mi khat kong sawl ding a, nangmah in ka mi Israel tungah ulian dingin amah sathau na nilh ding hi. Amah in Filistiate khut sung panin ka mite honkhia ding hi; bang hang hiam cih leh amaute’ kikona kei kiang hong tung khin ahih manin ka mite’ gimna ka mu khin zo hi,” a ci hi.

Thukhente 10:16

Tua ahih ciangin amaute in amau’ lak panin gamdang pasiante koih khia-in Topa’ na sem uh hi; tua ciangin Israelte’ gentheihna-ah amah dah hi.

Late 145:19

Amah in, amah a zahtakte khempeuh’ deihna tung sak a, amaute’ kikona zong za-in amaute honkhia hi.

Late 77:3

Keimah in Pasian ka ngaihsun a, ka tau hi; lung ka geelgeel a, ka gim mahmah hi.

Late 62:8

Mite aw, amah muang tawntung un; na lungkhamna teng uh ama tungah gen un; Pasian in eite’ bukna ahi hi.

Late 42:4

Ka lungsim sung ka suahkhia a, pawi bawl mi honkhat, kipak a otna leh nuamna la tawh Pasian’ innah ka makaihna, mihon tawh ka paina ka phawk hi.

Late 12:5

Topa in, “Mizawng mi a neihsa kihawkkhia a, mi cimawh mi thuum ahih ciangin, tu’n ding-in, ama lunggulh lungmuan’na munah amah ka koih ding hi,” ci hi.