Late 101:5 - Tedim Bible

⁵ A vengte a gensia sim mite ka susia ding a, kiphatsakna leh kihihsakna lungsim a nei mi ka thuak kei ding hi.

Tedim Bible Revision 2017

⁵ A veengte a gen sia sim mite ka susia dinga, kiphatsakna, kihihsakna lungsim a nei mi ka thuak kei ding hi.

Late 101:5 Referans Kwoze

Late 18:27

Bang hang hiam cih leh nangmah in miniamte na honkhia a, ahih hangin mi kiphasakte na niamsak hi.

Late 15:3

a leii tawh gensia loin, a lawmte tungah siatna bawl lo a, a vengte a mawhsak lo mi,

Paunak 30:13

Mihoih pha mahmah-a a kingaihsun, a kiliansak mi pawlkhat om hi.

Late 50:20

Na tu uh a, na sanggamte langpangin thu na gen uh hi; amaute’ mawhna na zong uh hi.

Titu 2:3

Tua mah bangin numei teekte in zong Pasian’ thu tawh kilawm gamtatna a bawl nading, midangte a gendai loh theih nading, kham lua-a leenggahzu’ sila ahih loh nading, thu hoih a hilh theih nading tham loin, Pasian’ thu in gensiatna a thuak loh nadingin a khangno numeite in a pasal a it ding, a tate a it ding,

1 KORIN MASA 5:11

Unau kici numei tawh a mawhte, huaiham-a duhhopte, milim a biate, hangsana kosiate, zukhamte, zawhthawh bawl-a a sutte, tua bang a hihte tawh kikhawl lo tham loin an nangawn na nekhawm kei un, ci-in ka gelh hi.

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Paunak 20:19

Mi a gensia kawikawite muanhuai thei lo hi; tua banga mihai paute tawh kikhawl kei in.

Ezekiel 22:9

Mi pawlkhat in milim biakna sa ne uh hi. Pawl khatte in amau’ lanna tawh kizui-in gamta tawntung hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Paunak 25:23

Leilu lam huih in guah a zuksak bangin gensiatna in hehna piangsak hi.

Paunak 10:18

Mi a mudahte bekin zuauthu gen a, mi a gensiate in mihai ahi hi.

Late 138:6

Bang hang hiam cih leh Topa lian napi-in amah in a neute don hi; ahih hangin a kiphasakte ahih leh amah in gamlapi panin mu thei hi.

1 SAMUEL MASA 2:3

Tua bangin kiphatsakna tawh pau nawn kei in la, na kam sung pan kihihsakna gingkhiasak kei in; bang hang hiam cih leh Topa in theihna Pasian hi a, amah in gamtatnate tawikhai hi.

Siampi Laibu 19:16

Note in na mihingte lak uhah mi gensia-in vaksuk vakto loin, na vengpa uh a sih nadingin na langpang kei ding uh hi: keimah in Topa ka hi hi.

Paikhiatna 23:1

“Thu manlo na gen khia kei ding uh hi. Elna tawh teci pang dingin mi gilopa tawh na kipawl kei ding uh hi.

Paikhiatna 20:16

“Na vengte' lang khatah a man lo teci na pang kei ding hi.

1 TIMOTI MASA 3:11

Tua mah bangin amau’ zite in zong khuaval lo ding uh a, mite’ dai nading thu gensiam mi hi loin thuman thutak a nei mi, na khempeuhah a diktat mi ahi ding uh hi.

Paunak 21:4

Kihisak-a gamtatna leh kiphatsakna lungsimte in, mawhna hi a, migilo hihna lim ahi hi.