Late 101:3 - Tedim Bible

³ a sia na peuhmah ka deih kei ding hi. Lam khial mite’ nasepna ka mudah hi; tuate tawh ka kisukha kei ding hi.

Tedim Bible Revision 2017

³ A sia na peuhmah ka deih kei ding hi. Lam khial miteʼ nasepna ka mudah a, tuate tawh ka kisu kha kei ding hi.

Late 101:3 Referans Kwoze

Late 119:37

Bangmah-a kimang lo nate, kei hong kinsak kei in la, nangma thu omsa bangin hong nungta sak in.

JOB (Job) 31:1

“Lunggulhna tawh nungak khatpeuh ka et ngei loh nading, lim takin kiciamna ka bawl khin hi.

Paunak 6:25

Amau’ meel hoihna iplah kha kei in la, amau’ hong zawlmitna khenglah kei in.

Mattiu 5:28

Ke’n kong cih-inah, numei khat peuhmah khialh nopna lungsim tawh a ente in, a lungsim sungah tua numei tawh a mawh zo hi.

Late 40:4

Topa muang a, mi kiphasakte lam-a kihei lo, pasian manlote lamah a paikhial lo mi in thupha ngah ahi hi.

Paikhiatna 20:17

“Na vengte’ inn na deihgawh kei ding hi; na vengte’ zi hita leh, ama' nasempa hita leh, ama' nasem nu hita leh, ama' bawngtal hita leh, ama' la hita leh, na vengte aa ahi na khat peuhpeuh na deihgawh kei ding hi,” a ci hi.

Thu-hilhkikna 15:9

Na lungsim ah ngaihsutna hoih lo hong omin, ‘Kum sagihna, maisakna kum hong nai hi,’ ci-in na sanggampa gal mi etin amah bangmah na piak loh ciangin na lang khatah Topa tungah amah kiko-in, nang tungah khialhna a suah khak ding kingaihsun in.

2 PETER NIHNA 2:21

Dikna thu lampi a theih khit uh ciangin thukham siangtho a paaikhia kik sangin tua lampi thei loin a om uh leh, amau ading a pha zaw hi.

Galati 4:9

Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

ROM (Romans) 12:9

Simtat loin itna lungsim om ta hen. Gitlohna mudahin gamtat hoih beel un.

Jeremiah 22:17

Ahih hangin note in thu manlo tawh ngah nading ahi zongin, mimawh lote’ sisan luan’ nading ahi zongin, mi nuaisiahna leh ngongtat nading ahi zongin, na mitte uh leh na lungsim uh na zang uh hi.

Thuhilh-sia 6:9

Na dang dang deih thuah ngitngetna sangin i neihsa teng tawh lungkimna hoihzaw hi. Hih zong a mawknapi, huihpi nung delh mah tawh a kibang bek ahi hi.

Joshua 23:6

Tua ahih ciangin note lakah a om lai hih minamte tawh kihel loin, amau’ pasiante zong gen loin, tuate tawh zong kiciam loin, amau’ na sem loin, amaute mai-ah zong note kun loin, ahih hangin tu ni-a na gamtat bangun Topa na Pasian uh na belh theih nadingun Moses’ thukham laibu sunga kigelhte khempeuh zui-in semin, tua panin tak lamah hita leh vei lamah hita leh pial loin na om nadingun khauh takin om un.

Hebru 10:39

Eite i hih leh, kisiatna tung dingin a nungkin mite lakah i om kei hi; gupkhiatna a ngah upna a nei mite lakah i om hi.

Late 119:113

Nangma sungah hong thuman lote ka mudah a, ahih hangin keimah in nangma thu ka deih hi.

Late 78:41

Amaute in amah ze-et kikkik uh a, Israelte’ Siangtho Pa phin uh hi.

Late 14:3

Amaute a vekpi-in puk khin uh a, a kibangin kisia kim uh hi; a hoih gamtat khat beek om lo hi.

Paikhiatna 32:8

amaute ka thupiakna lampi panin kiheikhia pak uh hi; amau’ adingin amaute in a kisung milim bawngno khat bawlin, tua bia-in a tungah biakna pia uh a, ‘Israel mite aw, hihte in Izipt leitang panin note hong paikhiatpih to na pasiante uh ahi hi!’ ci uh hi,” a ci hi.

Micah 2:2

Lo deih le uh, mi’ aa sut uh a, inn deih le uh, mi’ aa mah sut uh hi. Mite bawlsia-in, a inn leh a neihsa sut uh hi.

Isaiah 33:15

Thuman in gamta-in thutang na gen uh leh na suakta ding uh hi. Na vangliatna uh mizawngte khemna-in zang kei un la, sumgolh deih kei un. Mi that ding a vaihawmte’ thu ngai loin siatna lang khatah mit si un.

Isaiah 30:11

lampi nusia-in, lamzin panin pial un la, Israelte’ Siangtho Pa’ thu hong zasak nawn kei un,” a ci uh hi.

Late 39:1

“Ka leii tawh ka khialh loh nadingin ka gamtatna ka kikem ding a, ka omna-ah migilote a om lai teng ka kam ka kham ding hi,” ka ci hi.

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!

Late 97:10

Topa in gitlohna a mudahte it a, amah in a mi siangthote’ nuntakna kem hi; amah in migilote khut sung panin amaute honkhia hi.

Late 78:57

a pate uh mah bangin kiheikhia-in zuau gamtat uh hi; thal ginalo bangin amaute kihuiheek uh hi.

Late 36:3

Ama kammalte in siatna leh khemna vive hi a, pil gamtatna leh hoih gamtatna bei khin ta hi.

1 SAMUEL MASA 15:11

“Kumpi-in Saul ka koih ka kisik hi; bang hang hiam cih leh amah in keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi;

Thu-hilhkikna 13:17

-

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.

Late 41:9

Ka muan’, ka lawm itpa, keima an a nepa nangawn in, a khetul tawh keimah hong peek hi.

Late 139:22

Amaute muhdah cihtakin ka mudah a, amaute ka gal-in ka seh hi.

Paunak 6:12

Mi gina lo, a gilopa, zuauthu genin vak kawikawi a,

Paunak 6:13

nang hong khem nop manin, a mit-heek hong pia-in, a khe tawh hong su-in, a khut tawh hong khoih hi.

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

Zekhariah 8:17

Khat leh khat kisiatsak nading vaihawm kei un la, a man lopi-in teci pangin kiciam kei un. Zuauna, thuman lohna, leh kibawlsiatnate ka deih kei hi,” hong ci hi.