Late 101:2 - Tedim Bible

² Paubaan’na a om lo thu bek ka kin ding hi. Cik ciangin kei kiangah nang hong pai ding na hi hiam? Lungsim hoihna tawh ka inn sungah ka gamta ding hi;

Tedim Bible Revision 2017

² Paubaanna a om lo thu bek ka kin ding hi. Cik ciangin kei kiangah hong pai ding na hi hiam? Lungsim hoihna tawh ka inn sungah ka gamta ding hi.

Late 101:2 Referans Kwoze

Late 119:106

A thuman nangma biakna ngeina kipte zui dingin thu ka kiciam khin a, ka kipsak hi.

1 KUMPI MASATE 9:4

Nang ahih leh, na pa David a gamtat bangin lungsim thupina leh thumanna tawh ka mai-ah gamta-in, nang kong thupiak khempeuh bangin sem a, ka thukhamte leh ka ngeina kipte na zuih leh,

Late 119:115

No, siatna bawlte aw, Pasian’ thupiaknate ka zuih theih nadingin kei kiang panin paikhia un.

Late 101:6

Leitungah a thuman mite kei tawh a omkhop theih nadingun maipha ka pia ding a, paubaan’na om lo a, a gamta mi in keima na hong sem ding hi.

Late 40:17

Kei ahih leh zawng-in ka cimawh hi; ahih hangin Topa in kei’ ading ngaihsun hi. Nangmah in keimah hong huhpa leh keimah honkhiapa na hi hi; zekai kei in, ka Pasian aw!

1 KUMPI MASATE 11:4

Bang hang hiam cih leh Solomon a teek ciangin a zite in pasian dangte lamah ama lungsim heikhia uh hi; ama pa David’ lungsim bangin ama lungsim Topa tungah thuman bup taktak lo hi.

Thu-hilhkikna 6:7

na tate uh tungah lim takin na hilh ding uh a, na inn sung uhah na tut ciang, lampi-ah na pai ciang, na lup ciang leh na thawh ciangun tua thute na gengen ding uh hi.

2 KHANG TANGTHU NIHNATE 30:12

Topa’ thupiakna tawh kumpipa leh uliante’ sawlna a sem dingin Judah mite tungah Pasian in lungsim kikhatna guan hi.

2 KHANG TANGTHU NIHNATE 15:17

Ahih hangin Israel gam sung panin mualdawn a, biak piaknate kila khia lo hi. Ahi zongin ama hun sung tawntung Asa’ lungsim paubaang lo hi.

1 SAMUEL MASA 22:14

Tua ciangin Ahimelek in kumpipa dawngin, “Na nasemte khempeuh lak panin kumpipa’ makpa leh nangmah hong cingte a ukpa ahi David bangin kua thumanin, na inn sungah kua kipahtawi ahi hiam?

Joshua 24:15

Topa’ na nasep nop kei uh leh, Gungal khat-a a na a kisepsak na pu na pate uh pasian ahi a, note’ teen’na gam Amor mite’ pasiante ahi zongin, a na nasep sak ding peuhpeuh uh tu ni-in teel un; ahih hangin kei leh ka innkuanpihte in ahih leh Topa’ na ka sem ding uh hi,” a ci hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

Isaiah 38:3

“Topa aw, lungsim khempeuh leh thuman tak tawh nangma mai-ah gamta-in, nangma muhna ah a hoih nate ka sepna thu, tu-in nong phawk nadingin kong thuum hi,” a ci hi. Hezekiah nakpi takin kap hi.

2 SAMUEL NIHNA 8:15

Tua ahih ciangin David in Israelte khempeuh uk hi; David in a mite khempeuh tungah thutang leh thuman zang hi.

Paikhiatna 20:24

Note in keima' adingin lei tawh kibawl biakna tau khat na bawl ding uh a, tua tungah na meihal biaknate uh leh thunuam-a na biaknate uh, na tuute leh na bawngtalte uh pia un; keima' min a kiphawk nading mun-a ka bawlna peuhmah-ah note' kiangah keimah hong pai-in note thupha kong pia ding hi.

Late 26:11

Ahih hangin kei ahih leh, ka hoih gamtat hi; hong tankhia in la kei hong hehpih in.