Late 100:5 - Tedim Bible

⁵ Bang hang hiam cih leh Topa hoih hi; ama itna kip-in kho tawntung a, ama thumanna a khang a khangin a kip hi.

Tedim Bible Revision 2017

⁵ Bang hang hiam cih leh Topa hoih hi. Ama itna kipin kho tawntung a, ama thumanna a khangkhangin kip hi.

Late 100:5 Referans Kwoze

Late 106:1

Topa phat un! Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 107:1

Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Late 36:5

Topa aw, na itna kip in van ban a, na cihtakna in meii ban hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

1 KHANG TANGTHU MASATE 16:34

Amah hoih ahih manin Topa tungah lungdamna ko un; bang hang hiam cih leh a itna kip a tawntungin a kho hi!

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Luka 1:50

Amah kihta mite tungah, Khang khat pan khang khat dongin ama hehpihna a om tawntung ding hi.

Nahum 1:7

Topa hoih hi; lungkham hunin a mite huh a, amah a bel mite lim takin kem hi.

Late 119:68

Nangmah na hoih a, a hoih nate na sem hi; na ngeina kipte kei hong hilh in.

2 KHANG TANGTHU NIHNATE 5:13

aw kikhatin phatin Topa tungah lungdam koh ding pen peengkul tumte leh lasate’ nasep ahi hi), peengkulte leh daltuahte leh adang lasaknate tawh, “Topa tungah lungdam koh ding hoih hi, bang hang hiam cih leh ama itna kip tawntung hi,” ci-in Topa phatna-in la a kisak ciangin, Topa’ inn in meii tawh kidim a,

Late 107:22

Lungdamkoh piaknate pia-in, ama nasepnate lungdam late tawh amaute gen sak un!

Late 107:8

Ama itna kip leh mihing tate tungah a lamdang ama nasepnate hangin amaute in Topa’ tungah lungdamna ko ta uh hen!

Late 85:10

Itna kip leh thutakna kigawm ding a, thumanna leh kilemna kihual ding uh hi.

Ezra 3:11

tua ciangin amaute in Topa phatna leh lungdam kohna a kidawngin sa uh a, “Topa tungah lungdam koh ding hoih hi, bang hang hiam cih leh Israelte hong itna kip tawntung hi,” a ci uh hi. Topa’ inn bulpi kiphut khin ahih manin mi khempeuh in nakpi takin Topa phat uh hi.

Late 52:1

Mi thahatpa aw, bang hangin miphate suksiatna-ah kiphasak na hi hiam? Sunthapai-in nang in suksiatna na ngaihsun hi.

Micah 7:20

Ka pu ka pate uh tungah nidang lai a, na ciamsa bangin, Abraham’ suan-le-khak ahi nangma mite tungah na cihtakna leh nong itna kip nong lak ding hi.

Late 107:15

Ama itna kip leh mihing tate tungah a lamdang ama nasepnate hangin amaute in Topa’ tungah lungdamna ko ta uh hen!

Thu-hilhkikna 7:9

Tua ahih ciangin Topa na Pasian uh Pasian hi a, amah itin a thupiakna a zuite tungah khang tul khat dongin thuciamna leh itna kip lenin a thuman Pasian,

Late 146:6

Amah in van leh lei, tuipi leh tuate sunga omte khempeuh bawl a, a tawntungin thuman hi;

Late 25:8

Topa hoihin thutang hi; tua ahih manin mimawhte lam hilh hi.

Late 138:8

Topa in kei adinga a ngaihsutna tung sak ding hi; Topa aw, na itna kip kho tawntung hi. Na sepsa na maban hong tun in.