Late 100:4 - Tedim Bible

⁴ Lungdam kohna tawh ama kongpi-ah lut un la, phatna tawh ama huang sungah tum un; Ama tungah lungdam ko un la, ama min phat un!

Tedim Bible Revision 2017

⁴ Lungdamkohna tawh ama kongpi ah lut unla, amah phatna tawh ama huang sungah tum un. Ama tungah lungdam ko unla, ama min phat un.

Late 100:4 Referans Kwoze

Hebru 13:15

Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

1 KHANG TANGTHU MASATE 29:13

Tu-in nangma tungah ka nuam uh hi, kote’ Pasian aw, a minthang na min ka phat uh hi.

Late 66:13

Meihal biaknate tawh nangma inn sungah kei ka hong pai ding hi; nangma tunga kong kiciamna kong tangtungsak ding hi; ka lungkham laitak-a ka muk pan-a gingkhia, ka kam-a ka thuciamte nangma tungah ka hong bawl ding hi.

Isaiah 35:10

Topa’ tatkhiatsa mite hong ciah kikin, lungdam tawntungna mai pua-in lasa kawmin Jerusalem hong tung ding uh hi; amaute in lungdamna leh kipahna ngah ding uh a, dahna leh khuisatna om nawn lo ding hi.

Late 96:2

Topa tungah la sa un la, ama min phat un; ni khat khit ni khat ama hong hotkhiatna thu gen tawntung un.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phat in, a lu uh kun uh a, Topa bia-in kumpipa tungah zahtakna bawl uh hi.

Late 65:1

Pasian aw, Zion-ah nangmah phat dingin kilawm hi; nangma tunga thuciamna sate hong kibawl ding hi.

Late 95:2

Ama omna-ah lungdamna ko-in pai ni; phatna late, ama tungah lungdam takin sa ni!

Late 96:8

Ama min in a ngah dinga kilawm minthan’na, Topa tungah pia un la, biak piakna hong keng-in ama huang sungah hong pai un!

Late 99:3

A lian a kihtak-huai ama min, mi khempeuh in phat ta hen. Amah siangtho hi.

Late 122:2

Jerusalem aw, na kulh kongpi sungah kote hong tungin ka ding khin ta uh hi.