Late 100:3 - Tedim Bible

³ Topa pen Pasian a hihna thei un! Eite hong bawlpa in amah hi a, eite in ama aa i hi hi; eite in ama mi i hi a, ama gan khahna sunga a tuute i hi hi.

Tedim Bible Revision 2017

³ Topa, Pasian ahihna thei un. Eite hong bawlpa amah hi a, eite ama aʼ ihi hi. Eite ama mi ihi a, ama gankhahna sunga om a tuute ihi hi.

Late 100:3 Referans Kwoze

Late 46:10

“Om hit-hiat un la, Pasian ka hihna thei un. Minamte lakah keimah hong kisangsak a, leitungah ka min hong kithangsak hi!”

Late 119:73

Nangma khutte in kei hong piangsakin a hong bawl hi; na thupiaknate ka sin theih nadingin kei tungah thu theihtelna hong pia in.

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

1 PETER MASA 4:19

Tua ahih ciangin Pasian’ deihna bangin gimna a thuak mite in, a pha a gamtatna uh zomin, thuman ahi amaute a Bawlpa’ khut sungah amau kha uh pia ta uh hen.

Late 149:2

Amah a Bawlpa’ tungah Israel lungdam hen la, amau Kumpipa’ sungah Zion mite kipak ta hen!

Thu-hilhkikna 4:39

tua ahih ciangin tunga om vantung hita leh nuai-a om leitung hita leh ah Topa in Pasian a hihna thu tu ni-in na thei un la, na lungsim uhah ciamteh un; kuamah dang om lo hi.

Thu-hilhkikna 4:35

Topa in Pasian hi, ci-in na theih nadingun note tungah hih thu hong kilak hi; amah sungah kuamah dang om lo hi.

1 PETER MASA 2:25

Nidang lai-inah note in tuute bangin lam na khialh uh hangin tu-in ahih leh, note kha uh hong Ukpa leh Tuucingpa kiangah na tungkik zo uh hi.

Late 79:13

Tua ciangin, nangma mi, nangma gamsung tuu ahi kote in, na tungah lungdamna kong lak ngitnget ding uh a, a khang a khangin nangmah phatnate ka gengen ding uh hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

Late 78:52

Tua ciangin amah in tuu bangin ama mite paikhiatpih a, gam lakah ganhon bangin amaute lam lak hi.

Ezekiel 34:11

“Topa Pasian keimah in note kiangah kong genin ah: Keimahmah in ka tuute ka zong ding a, ka kem ding hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Isaiah 63:19

Kote pen, nangmah in cik mah a, na uk ngei loh mite, nangma mi ahi ngei lo mite tawh a kibang ka suakkhin uh hi.

Isaiah 63:11

Tua ciangin amaute in hun lui lai, ama nasem Moses’ hun phawk uh hi. Ama tuuhonte a cing tuucingpa, tuipi sung pan a, a paikhiatpih Topa koi-ah om ta ahi hiam? Amaute’ tungah a Kha Siangtho a piapa,

2 KUMPI NIHNATE 19:19

Tua ahih ciangin tu-in, Topa kote’ Pasian aw, leitung kumpi gam khempeuh in nang, nang bek Pasian na hihna a theih nadingun ama khut panin kote hong honkhia in, kong thum hi, Topa aw,” a ci hi.

Thu-hilhkikna 7:9

Tua ahih ciangin Topa na Pasian uh Pasian hi a, amah itin a thupiakna a zuite tungah khang tul khat dongin thuciamna leh itna kip lenin a thuman Pasian,

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

Thuhilh-sia 12:1

Na lungkham hun ding hong tun’ ma, “Nuntakna nuamsa kei ing,” na cih ma hun, na khangno lai takin nang hong Piangsakpa phawk in.

Late 95:3

Bang hang hiam cih leh Topa in a lian Pasian khat hi a, pasian khempeuh tungah Kumpi lian khat ahi hi.

JOB (Job) 10:3

Na khut tawh na sepsate simmawh bawlin, migilote’ vaihawmna pan’pihin, hih bangin nong netniamna-ah bang phattuam ngah na hi hiam?

Paikhiatna 6:7

keima' mi dingin note kong la ding a, keimah in note’ Pasian ka hi ding hi; Izipt mite’ vangik nuai panin note a hong paikhiatpihpa, Topa na Pasian uh ka hihna note in na thei ding uh hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah in, note a hong piangsak, note hong bawlin a hong kipsak, na Pa uh hilo ahi hiam?

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

1 KHANG TANGTHU MASATE 16:14

Amah in Topa eite’ Pasian hi a, ama thukhennate leitung khempeuh ah om hi.

Isaiah 64:7

Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.