Late 100:2 - Tedim Bible

² Lungdamna tawh Topa’ na sem un! Ama omna-ah la sa kawmin hong pai un!

Tedim Bible Revision 2017

² Lungdamna tawh Topaʼ na sem un. Ama omna ah la sa kawmin hong pai un.

Late 100:2 Referans Kwoze

Filippi 4:4

Topa sungah lungdam tawntungin om un. Khatvei ka hong genkik-in ah lungdam un!

Late 71:23

Nangmah phatna ka sak ciangin nuam-in ka awng ding hi; nangma hotkhiatsa ka nuntakna zong nuam-in awng ding hi.

Late 95:2

Ama omna-ah lungdamna ko-in pai ni; phatna late, ama tungah lungdam takin sa ni!

Thu-hilhkikna 28:47

“Hih a tampi nate khempeuh om napi-in note in lungdamna leh lungsim kipahna tawh Topa note’ Pasian nasem lo na hih manun,

Late 42:4

Ka lungsim sung ka suahkhia a, pawi bawl mi honkhat, kipak a otna leh nuamna la tawh Pasian’ innah ka makaihna, mihon tawh ka paina ka phawk hi.

Thu-hilhkikna 12:12

Topa na Pasian uh mai-ah note leh na tapate leh na tanute, na nasem pasalte uh leh na nasem numeite uh, leh note neih bangin tanh ahi a, luah ahi zongin a nei lo na khua sunga om Levi mite tawh lungdam khawm un.

Thu-hilhkikna 16:11

Topa na Pasian uh mai, ama min om nadingin Topa na Pasian un a telna munah, nang leh na tanu leh na tapa, na nasem numei leh na nasem pasal, na khua sunga om Levi mi, peemta, pa nei lo, note lakah a om meigong numeite tawh na lungdam khawm ding uh hi.

Thu-hilhkikna 16:14

na pawi sungah nang leh na tanu leh na tapa, na nasem numei leh na nasem pasal Levi mi, peemta, pa nei lo, leh na khua sunga om meigong numeite tawh na lungdam khawm ding uh hi.

1 KUMPI MASATE 8:66

A ni giat ni-in amah in mite ciahsak hi; amaute in kumpipa thupha pia uh a, Topa in a nasempa David leh ama mi Israel tungah hoihna a lahnate khempeuh hangin lungdamna leh lungsim kipahna tawh a inn ciat uhah ciah uh hi.

2 KHANG TANGTHU NIHNATE 31:2

Tua ciangin Hezekiah in siampite leh Levi mite amau’ nasep ciat tawh kizui-in a khen a khenin seh a, siampite leh Levi mite in meihal biaknate leh thu-nuama biaknate pia-in, Topa’ inn sung phual tuamtuamte huang sungah nasemin lungdam kohna leh phatna a bawl ding ahi uh hi.

2 KHANG TANGTHU NIHNATE 29:30

Tua ciangin David’ kammalte leh thu-mupa Asaf’ kammalte zangin Topa’ tungah phatna la a sak nadingun kumpipa Hezekiah leh uliante in Levi mite thu pia uh hi. Tua ciangin amaute in lungdamna tawh phatna late sa uh a, kunin bia uh hi.