Late 10:9 - Tedim Bible

⁹ humpinelkai in a kua pan a buk bangin amah in buk sim-in, mizawngte man dingin buk a, mizawngte a ngenthang sungah kai-in man hi.

Tedim Bible Revision 2017

⁹ humpinelkai in a kuahawm sung pan a buk bangin amah in buksimin, mizawngte a man dingin buk a, a ngenthang sungah mizawngte kai-in a man hi.

Late 10:9 Referans Kwoze

Late 17:12

Amaute in a balnen nuam humpinelkai tawh kibang uh a, humpinelkai khanglai sa-pang tawh kibang uh hi.

Late 59:3

Bang hang hiam cih leh, en in, amaute in kei hong pangsim uh hi; mi kihtak-huaite in keimah hong langpangin kikaikhawm uh hi. Topa aw, kei’ thu palsatna, kei’ mawhna hang hi lo,

Micah 7:2

Leitungah mihoih teng bei khin ta a, Pasian tungah a thuman mi kuamah om nawn lo hi. Mi khempeuh in mi thah ding bek ngaihsun uh a, a kuamah peuh in a sanggampa ngen tawh beng hi.

Late 35:10

Ka lungsim khempeuh tawh “Topa aw, ama adinga a hat luate kiang panin a thahat lo mi a gumkhia, a neihsa a sutkhia mi kiang panin mi thahat lo a zawng a gumkhiapa ahi, nang tawh a kibang kua ahi hiam?” ka ci ding hi.

Johan 10:12

Tuu neipa hi lo a kicial tuucing ahih leh, ngia hong pai a muh ciangin tuute nusia-in tai a; ngia in tuute manin a kithehthangsak hi.

Zekhariah 11:3

Tuucingte, a minthan’na uh beita ahih manin, dahin kap uh hi. A tulak inn uh kisusia khin ahih manin humpinelkaite’ hawkna za un.

Habakkuk 3:14

Mi cimawhte, mun simtham ah a sugawpte bangin, kote hong suthang dingin huihpi bangin hong pai laitakin, na thal tawh, a galkapmangpa na kaplet hi.

Amos 3:4

A samat ding mu lopi-in, gamlakah humpinelkai mawk hawk ahi hiam? Samat nei lopi-in, a kua sungah humpinelkai khanglai mawk hawk ahi hiam?

Ezekiel 22:29

Mi cithei-a kineite in mi khemin a na sut uh hi. Mizawng mi cimawhte bawlsia-in, peemtate tungah nuamtak sa-in khualna mel nei loin a ut ut-un gamta uh hi.

Kah la 3:10

Amah in vompi bangin hong buk a, humpinelkai bangin a hong bawh hi.

Isaiah 32:7

Mi gina lote’ ginat lohna in sia hi; zuauna kam tawh mizawngte siasak leh mi cimawhte’ thu a thuman ciang nangawnin a siasak dingin amah in gitloh nasepna bawl hi.

Isaiah 3:15

Ka mite sucip-in, mi zawngte na gawina uh, bang na cih nopna uh ahi hiam? Vanglianpen Topa Pasian in ci hi.

Paunak 28:15

Mizawngte a uk migilopa in humpinelkai gilkial, leh vompi halungvei tawh kibang hi.

Paunak 22:16

Hauh nop manin mihaute letsong pia leeng kizawn’lawh a, hauh nop manin mizawngte’ neihsa laksak leeng zong kihauhlawh tuan lo hi.

Paunak 14:31

Mizawngte bawlsiatna in a piangsak Pasian simmawhna hi a, mizawngte tungah citna in Pasian zahtakna ahi hi.

Late 140:5

Mi kiphasakte in kei hong siahna-in tehlop koihsim uh a, amaute in khau tawh ngenthang zak uh a, lam gei-ah thangzak tawh kei hong siah uh hi.

Late 12:5

Topa in, “Mizawng mi a neihsa kihawkkhia a, mi cimawh mi thuum ahih ciangin, tu’n ding-in, ama lunggulh lungmuan’na munah amah ka koih ding hi,” ci hi.

Sawltak 23:21

Tua ahih ciangin amau deihna bangin zui kei in. Bang hang hiam na cih leh, Paul a thah khit matengun an ne lo, tui dawn lo ding ci-in a kiciam mi sawmli val lampi gei-ah a ding uh hi. Tu-in tuate in amau thu na man’ ding a ngak uh hi,” a ci hi.

Habakkuk 1:15

Amaute in ngasa mat bangin sikkawi tawh mite man uh a, a ngen uh tawh khuhin manin, a ngenpi uh tawh kaikhia a, tua banga a matna hangun lungdamin awng uh hi.

Jeremiah 5:26

Ka mite lakah mi gilote kihel uh a, vasa thang siah bangin mite thang siah-in man uh hi.

Late 37:14

Mizawngte leh mi cimawhte suniam ding, thutang-a gamtate that dingin migilote in namsau dokin a thal uh a keek hi;

Late 109:31

Bang hang hiam cih leh sihna daan a piapa’ khutsung panin a hon dingin mi cimawhpa’ taklam-ah amah hong ding hi.