Late 10:8 - Tedim Bible

⁸ Khua neute sungah mi bukin tu a, munbute-ah mawh nei lote that hi. Ama mit in mi tuahsiate encik sim a,

Tedim Bible Revision 2017

⁸ Khuaneute sungah mi a buksimin tu a, munbu kawmah mawhnei lote a that hi. Ama mit in mi tuahsiate ensim a,

Late 10:8 Referans Kwoze

Habakkuk 3:14

Mi cimawhte, mun simtham ah a sugawpte bangin, kote hong suthang dingin huihpi bangin hong pai laitakin, na thal tawh, a galkapmangpa na kaplet hi.

Jeremiah 22:17

Ahih hangin note in thu manlo tawh ngah nading ahi zongin, mimawh lote’ sisan luan’ nading ahi zongin, mi nuaisiahna leh ngongtat nading ahi zongin, na mitte uh leh na lungsim uh na zang uh hi.

1 SAMUEL MASA 22:18

Tua ciangin kumpipa in Doeg kiangah, “Kihei in la siampite hih in,” a ci hi. Edom mi Doeg kihei-in siampite hih a, tua ni-in saiha dial siampi puan a silh mihing sawmgiat leh nga that hi.

Luka 8:1

Tua nung a sawt loin, Zeisu in khuapi khuaneu-ah vak kawikawi in thu hilh a, Pasian’ Gam Lungdamna Thu a zasak hi. Amah tawh Sawm-le-nihte a pai khawm uh hi.

Late 94:6

Amaute in meigong numei leh khualmi thatlum uh a, pa nei lote suamlum uh hi;

Late 17:11

Amaute in kei hong sulzuih uh a, tu-in amaute in kei hong umcihin, keimah leilak den’ nadingin hong en uh hi.

2 KUMPI NIHNATE 21:16

Tua tham loin amaute in Topa’ muhna ah a sia a gamtat nadingun amah in Judah mite a khialhsakna banah, Jerusalem mong khat pan mong khat sisan tawh a kidimsak dongin Manasseh in mawhbaang lo mi tampi that hi.

1 SAMUEL MASA 23:23

Tua ahih ciangin amah a bukna mun ahi a kiselsimna mun khempeuh hong ciamteh un la, thu a kitel tak tawh kei kiangah hong paikik un. Tua ciangin note tawh kei kong pai ding hi; gam sungah amah a om lai nak leh, Judah gam sung khempeuh zon’ ding ahi zongin a tul lak panin amah ka zongkhia teitei ding hi,” a ci hi.

Luka 10:1

Tua khit ciangin Topa in a dang sawmsagihte koih a, a pai nading khuapi, khuaneu tengah ama mai-ah nih tek, nih tekin a sawl hi.

Thukhente 9:25

Tua hi a, Shekhem mite in amah pangsim dingin mual dawn-ah mi khempeuhte’ na nasut uh hi; hih thu Abimelek kiangah kigen hi.

JOB (Job) 24:14

A zawng a cimawhte a that dingin khuavak ma-in mithatpa kuankhia a, zan sungin mi’ na guksak hi.

Paunak 24:15

Migilote’ gamtat bangin, thuman mite’ omna sugawp kei in la, amau’ teen’na inn luhgawp kei in.