Late 10:7 - Tedim Bible

⁷ Ama kampau in hamsia leh khemna leh netniamna tawh kidim a, siatna leh manlohna thugenin nei hi.

Tedim Bible Revision 2017

⁷ Ama kampaute pen hamsia, khemna le netniamna tawh kidim a, siatna le man lohna bekbek thugenin a nei tawntung hi.

Late 10:7 Referans Kwoze

Late 7:14

Migilo in thusia gai-in suak nuamin na a, zuauthu hing khia hi.

JOB (Job) 20:12

“Ama kam sungah gitlohna lim sa mahmahin, namtui sa-in a leii tawh lop melmel a,

Late 144:11

A gilo galte kiang panin kei hong hon in la, a kam uh tawh zuauthu a gen, kiciamna a bawl khit ciang nangawn-in a zuau veve gamdang mite’ khut sung panin kei hong honkhia in.

Late 140:9

Kei hong umcih mite, gualzosak kei in la, kei hong sawmnate uh amau’ lu tung mah tusak in!

Late 140:3

Amaute’ leii in gulpi leii bang a, a thugente uh gulgu bang hi.

Late 73:8

Amaute in mi thusim loin elpau uh a, kiliatsakna tawh sucip dingin mi tawng uh hi.

Late 64:3

namsau banga a leii uh a tatte, thaltang banga thu hoih lo a ngimte,

Late 59:12

Amau kam-a mawhna, amau muk tawh a pauna thu hangin, amau’ kiphatsakna-ah amau mah awksak in. Hamsiatna zangin zuauthu a genna hangun,

Late 52:4

Mi khem theipa aw, a siasak thei kammal khempeuh na deih hi.

Late 36:3

Ama kammalte in siatna leh khemna vive hi a, pil gamtatna leh hoih gamtatna bei khin ta hi.

Mattiu 12:34

No mualtan’ suante aw, no gilo na hih uh ciangin kam hoih bangci gen theih ding na hi uh hiam? Bang hang hiam na cih uh leh, lungsim dima om bangin kam in a gen thei hi.

Jeremiah 9:6

Khat khit khat-in mite a bawl sia uh a, zuau zong a phuakphuak uh hi. Kei hong thei nuam lo uh hi, Topa in ci hi.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.

Isaiah 59:4

Kuamah in thutang tawh thu na nei kei uh a, thuman tak tawh kuamah thukhen zumah na pai kei uh hi; note in bangmah lopi suan’in nei-in zuau thu na gen uh a, siat nading thu ngaihsunin, gitlohna na piangsak uh hi.

Paunak 30:8

Zuauna leh khemna ka zat loh nadingin hong huh in la, a hau lua lo, a zawng lua loin hong bawl in la, ka khamkhop zah lian bek an hong pia in.

Paunak 21:6

Zuau genna tawh hauhna in beimang pak a, sihna khuk sung hong tun’pih hi.

Late 144:8

A kam uh tawh zuauthu a gente leh kiciamna a bawl khit ciang nangawnin a zuau vevete’ kiang panin kei hong phelin hong honkhia in.

Late 62:4

Ama za-liatna panin sukniam ding bek amaute in sawm uh hi. Amaute in thuman lo-ah nuam sa uh hi. Amaute in a kam uh tawh phat uh a, ahih hangin a sungtawng uh-ah samsiat uh hi.

Late 58:3

Migilote, a khan’ tawntungin khial uh hi, a suah tung mah-un lam khial pah uh a, zuauthu gen uh hi.

Late 55:21

Ama kampau in thawhbat sangin nelzaw a, ahi zongin a lung sungah muhdahna om hi; a kammalte sathau sangin nipzaw a, ahi zongin tuate pen namsau hiam mahmah tawh kibang hi.

Late 41:6

Keimah en dingin mi hong pai ciangin, kam mawkna pau uh hi, a lung sungah siatna kaikhawm uh a, a paikhiat uh ciangin genthang uh hi.

Late 12:2

Mi kim in a vengte kiangah zuau thu gen ciat a, phat khemna kamzol leh lungsim nam nih tawh pau uh hi.

Late 5:9

Bang hang hiam cih leh amau sungah thuman om lo hi; amau lungsim ah siatna bek ngaihsun uh a, amau gawlgui in a kihongsa hankhuk tawh kibang hi. A leii uh tawh mawk phat uh hi.

JOB (Job) 15:35

Hih bang mite in siat nading bek ngaihsunin sem uh a, a lungsim uh ah khem ding bekbek ngaihsun uh hi,” a ci hi.

Late 50:19

Na kam uh, siatna na uksak uh a, na leii un kheemna khang sak hi.

Late 59:13

lei mong dongin Jakob’ tungah Pasian maang hi, ci-in mite in a theih nadingin hehna tawh amaute beisak in la, amaute a bei khit mateng sisak in.

Amos 8:4

Mi cimawhte tuancil gawpin, gamsung mi zawngte a susia gawp mite aw, hih thu ngai un.