Late 10:5 - Tedim Bible

⁵ Ahih nate a ma pai ngitnget hi; amah kiphasak a, na thukhennate ama muhna’ bat zawh lohin sang hi; a galte khempeuh ahih leh amah in nehpiksan lel hi.

Tedim Bible Revision 2017

⁵ Ahihna khempeuh ah a maa pai ngitnget hi. Na thukhennate khempeuh ama muhna in a bat zawh lohin sang mahmah a, a galte khempeuh ahihleh amah in nehpik san lel hi.

Late 10:5 Referans Kwoze

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Late 12:5

Topa in, “Mizawng mi a neihsa kihawkkhia a, mi cimawh mi thuum ahih ciangin, tu’n ding-in, ama lunggulh lungmuan’na munah amah ka koih ding hi,” ci hi.

ROM (Romans) 3:16

Amau paina lampi-ah kisiatna leh gimna a dim hi.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Hosea 9:9

A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in daan tat ding hi.

Isaiah 42:25

Tua ahih ciangin amah in, ama hehna-so leh gal kidonate eite tungah hong tungsak hi. Israel mi khempeuh lakah mei bangin ama hehna hong kuang a, ahih hangin eite in bangmah i thei kei hi. Tua i thuakna hangin bangmah i phawk khia thei tuan kei hi.

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi; a tuumcip ding tuiciin in hong nawk ciangin ei hong ban lo ding hi; bang hang hiam cih leh zuau thu i beel a, zuauna ah i bu hi,” na ci uh hi.

Isaiah 10:1

A cimawh ka mite thutang heikhiat sakin, keima mite sungah a zawngte’ thuneihna sutkhia-in, meigong numeite’ neihsate amau’ aa suaksakin, pa nei lote’ neihsa a sut a man lo thukhensatna pia a, nenniamna thu lai-a, a gelhte in gimna ngah ta hen!

Isaiah 5:12

Amaute in a pawi sung uhah laiza la sakna leh harp la sakna, khuang, tamngai leh leenggahzu tampi nei uh hi; ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Paunak 24:1

Migilote eng kei in la, amaute tawh kikhawl kei in.

Paunak 15:24

Mipilte in nuntakna lampi zuito uh a, sihna lampi zuisuk lo uh hi.

Paunak 2:15

mi lungsim kawi, muan’ theih loh ding mite panin nang hong kem ding hi.

Paunak 2:13

nuntakna manin a nungta lo, mawhna khuamial sungah a gamta,

Paunak 1:19

Zawhthawh thu tawh mi’ na a sutte in sihlawh tawntung zaw a, hih bang a gamtate in tu-a bangmah tuak ngitnget hi.

1 KUMPI MASATE 20:13

Tua ciangin en in, Israel kumpi Ahab kiang nai-ah kamsang khat hong pai-in, “Topa in hih bangin ci hi; Hih mihon tampi khempeuh na mu khin hiam? En in, tu ni-in nangma khut sungah kong pia ding hi; tua ciangin keimah in Topa ka hihna na thei ding hi, ci in,” a ci hi.

2 SAMUEL NIHNA 5:6

Tua ciangin kumpipa leh a mite tua gam-a teeng Jebus mite do dingin Jerusalem ah pai uh a, amaute in David kiangah, “Hih lai-ah hong pai zo kei ding hi; mittawte leh khebaite nangawn in nang hong nang zo ding uh hi,” a ci uh hi- “Hih lai-ah David hong pai zo peuhmah lo ding hi,” ci-in ngaihsun uh hi.

Thukhente 9:38

Tua ciangin Zebul in ama kiangah, “Tu-in na kam han’na koi-ah om hiam, ‘Ama na i sep dingin Abimelek in kua ahi hiam?’ a ci pa aw, Hih mite in na simmawhte hilo ahi hiam? Tu-in paikhia in la amaute tawh kido in,”a ci hi.

Thukhente 9:27

Amaute lo-ah kuanin a leenggui lo uh panin leenggah khawmin cil uh a, pawi khamin amaute’ pasian’ inn-ah pai uh a, anne tuidawnin omin Abimelek zahko uh hi.

Piancilna 6:12

Pasian in leitung mu hi, en un, kisia hi; bang hang hiam cih leh leitungah mi khempeuh a sia-in a gamta lo kuamah om lo hi.

JOB (Job) 24:23

Pasian in amah a lungnuamin nungta sak a, ahi zongin amaute langpanin, encik tawntung hi.

Late 73:3

Bang hang hiam cih leh migilote’ daupaina ka muh ciangin mi kihisakte ka eng hi.