Late 10:4 - Tedim Bible

⁴ Migilo in kiphatsakna maisuah tawh amah zong lo a, ama ngaihsutna khempeuh ah, “Pasian om kei,” ci hi.

Tedim Bible Revision 2017

⁴ Migilo in kiphatsakna lungsim nei a, Topa zong lo hi. Ama ngaihsutna khempeuh ah, “Pasian om kei,” a ci hi.

Late 10:4 Referans Kwoze

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

Sawltak 8:22

Tua ahih ciangin na khialhna na kisikkik in la, na lungsim ngaihsutna a kimaisak nadingin Pasian kiangah thu na ngen in.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

ROM (Romans) 1:21

Amaute in Pasian a thei uh hi napi-in Pasian phat ding a kilawm zahin a phat kei uh a, ama hehpihna phat lo uh tham loin, amau in mawkna-in a ngaihsun uh a, ciamteh thei loin amau lungsim uh a mial hi.

Isaiah 65:2

A hoih loin gamta-in, amau’ ngaihsutna bang a zui teitei a genhak mite lam nga-in, sun ni tawntungin ka khut ka zak hi.

Late 53:1

“Mihai mi in a lungsim sungah, Pasian om lo hi,” ci-in ngaihsun hi. Amaute sia uh a, a kihhuai gamta uh hi; a hoih-a gamta kuamah om lo hi.

JOB (Job) 22:17

Hih mite pen Pasian a nial, Pasian in amaute bangmah a cih thei lo dinga a ki-umte ahi uh hi.

Thu-hilhkikna 8:14

na lungsim uh lianin, salsuahna Izipt gam panin no hong paikhiatpih,

Paikhiatna 5:2

Ahih hangin Faro in, “Ama' aw ngai-in Israel ka paisak dingin Topa in kua ahi hiam? Topa ka thei kei hi, tua tham loin Israelte ka paisak kei ding hi,” ci hi.

Efesa 2:12

tua hun lai takin Khazih tawh kikhenin, Israel mi pawl hi loin, kiciamna a om thuciamna thute tawh kikum loin, lametna om loin, leitungah Pasian nei loin na om uh na ngaihsun ta un.

Marka 7:21

Bang hang hiam na cih uh leh, mi sung pan a hoih lo ngaihsutna, numei tawh mawhna,

Zefaniah 2:3

Kiniamkhiatin, Topa’ thupiakna a mang, Judah gam mi khempeuh aw, Topa’ kiang zuan un. A manin gamta un la, kiniamkhiat un. Tua hi leh, Topa’ hehna hong kilat ni ciangin, tua hehna daan panin na peng thei ding uh hi.

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Isaiah 59:7

Siatna bekbek na gelgel uh a, na hih ding uh na ngaklah mahmah uh hi. Mawh nei lo mite sisan luan ding haksa na sa kei uh hi. Na paina khempeuh uhah siatna vive om kawikawi hi.

Isaiah 3:9

Amau’ maiput in amau langah teci pang hi; Sodom bangin amaute in a mawhna uh genkhia uh hi, amaute in iim lo uh hi. Amaute in gimna ngah ta hen! Bang hang hiam cih leh amaute in amau tung mah ah siatna kitun’ uh hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Paunak 30:13

Mihoih pha mahmah-a a kingaihsun, a kiliansak mi pawlkhat om hi.

Paunak 30:9

Hau lua leng, nang hong nialin, “Topa i cih kua hiam?” kong ci kha ding a, zawng lua leuleu leng, mi’ na guk sakin, ka Pasian’ min kong daisak kha zel ding hi.

Paunak 21:4

Kihisak-a gamtatna leh kiphatsakna lungsimte in, mawhna hi a, migilo hihna lim ahi hi.

Paunak 6:17

kihihsakna, zuauthu genna, mawhnei lo mi thahna,

Late 101:5

A vengte a gensia sim mite ka susia ding a, kiphatsakna leh kihihsakna lungsim a nei mi ka thuak kei ding hi.

Late 36:1

Thu palsatna in migilopa’ lungsim tawngah thu gen a, ama mai-ah Pasian zahtakna om lo hi.

Late 27:8

“Ka mai hong zong in,” na ci khin zo hi. Ka lungsim in nang tungah, “Topa aw, nangma mai kong zong hi,” ci hi.

Late 18:27

Bang hang hiam cih leh nangmah in miniamte na honkhia a, ahih hangin mi kiphasakte na niamsak hi.

Late 73:11

Amaute in, “Pasian in bangci theih ding ahi hiam? Sang Penpa in phawk ding ahi hiam?” ci uh hi.

Thuhilh-sia 8:11

A mawhte kidaantat pahpah lo ahih manin, mihingte in khialh ding haksa sa lo uh hi.

Zefaniah 1:12

Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.