Late 10:2 - Tedim Bible

² Migilote in kiphatsakna tawh mizawngte uuk delh uh hi; amau ngaihsut vaihawmna mah-ah amaute awk sak in.

Tedim Bible Revision 2017

² Migilote in kiphatsakna tawh mizawngte uuk delh uh hi. Amau ngaihsut vaihawmna mahah amaute awksak in.

Late 10:2 Referans Kwoze

Late 59:12

Amau kam-a mawhna, amau muk tawh a pauna thu hangin, amau’ kiphatsakna-ah amau mah awksak in. Hamsiatna zangin zuauthu a genna hangun,

Late 36:11

Kihihsakna khe kei hong sik khasak kei in la, kei pen migilote, hong hawlkhiasak kei in.

Late 7:16

Ama lungngaih hoih lo pen ama lu tungah tungkik a, ama gamtatsia pen ama luzang mah ah tu hi.

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

Late 119:122

Na nasempa’ adingin hong kikham in la, mi kiphasakte kei hong nengniamsak kei in.

Late 31:18

Thumante lang pang a, kihihsak pau in, kiphatsakna leh simmawhna tawh kam a pau, zuauthu gen mukte pau thei lo sak in.

Late 140:5

Mi kiphasakte in kei hong siahna-in tehlop koihsim uh a, amaute in khau tawh ngenthang zak uh a, lam gei-ah thangzak tawh kei hong siah uh hi.

Late 119:85

Nangma thu a zui lo, mi kiphasakte in keimah siahna in gum to uh hi.

Late 119:69

Mi kiphasakte in kei’ langah zuauthu vive gengen uh a, ahih hangin ka lungsim khempeuh tawh na thuhilhte ka zui hi;

Jeremiah 43:2

Hoshaiah’ tapa Azariah leh Kareah’ tapa Johanan-a kipan mi gilo dangte khempeuh in Jeremiah kiangah, “Nang in zuau na phuak hi. Topa i Pasian in, ‘Izipt gamah a teeng dingin pai kei un,’ ci-a gen dingin nang hong sawl lo hi.

Isaiah 14:16

Nangmah hong mu mite in nang hong en gega-in, nangma thu lungngai dedu ding uh a, ‘Hih mipa pen, leitung a liingsakpa, kumpi gamte a lok gawppa,

Isaiah 14:13

Nang in na lungsim sungah, ‘Van tungah ka kahto ding hi; a sangna mun, Pasian’ aksite’ tung pekah ka kumpi tokhom ka koih ding a, leilu lam pek a, kikhopna mual tungah a sang pen mual siangtho tungah ka tu ding hi;

Late 119:5

Nangmah ngeina kipte zuihna-ah ka gamtatna kip ta hen!

Paikhiatna 18:11

Topa in pasian khempeuh sangin a liat zawkna tu-in ka thei hi, bang hang hiam cih leh mite' tungah kiphatsakna tawh Izipt mite a gamtat lai takin amah in Iziptte’ khut nuai panin mite khahkhia hi,” a ci hi.

Paikhiatna 9:17

Ka mihingte' tungah nang kiliansak lai-in amaute na paisak kei hi.

Late 109:16

Bang hang hiam cih leh amah in migitna lah ding ngaihsun lo a, a zawng a cimawhte leh lungsim kitamzan mite a sih dongun bawlsia hi.