Late 10:15 - Tedim Bible

¹⁵ Migilo leh siatna bawlte’ ban kuaitan in la, a gitlohnate a bei matengin zong in.

Tedim Bible Revision 2017

¹⁵ Giloin siatna a bawlteʼ khut kuaitan gawp inla, siatna a bawl zo nawn lo dingin gim pia in.

Late 10:15 Referans Kwoze

Zefaniah 1:12

Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.

Late 37:17

Bang hang hiam cih leh migilote’ baan kitan ding a, ahih hangin Topa in thuman mi huh hi.

JOB (Job) 38:15

Migilote’ adingin sun khuavak taang lua a, siatna a gamtat nading uh a kham hi.

Late 7:9

Lungsim leh ngaihsutna a en a thuman Pasian aw, migilote’ siatna beisak in la, mi thumante kipsak in.

Zekhariah 11:17

Kiman’na a neilo tuucingpa, a tuuhonte a nusiapa in gimna ngah ta hen! Namsau in a ban bantan hen la, a taklam mit satkham hen. A ban beimang hen la, a taklam mit tawcip hen!” hong ci hi.

Jeremiah 2:34

Mawhnei lo mizawngte’ sisan na puan tungah a baang hi; amaute in na inn hong luh ngei beek lo uh hi. Tua bang teng hi napi-in,

Ezekiel 23:48

Amaute’ gamtat bangin kuamah a gamtat loh nadingun gam sunga om numei khempeuh hilhkholhna limin hih bang gamtat hoihlohnate, gam sung khempeuh ah ka beisak ding hi.

Late 3:7

Tho in, Topa! Kei hong hon in, ka Pasian! Bang hang hiam cih leh nangmah in ka galte khempeuh’ paang na satgawp a, migilote’ ha na su-tan hi.