Late 10:14 - Tedim Bible

¹⁴ Nangmah in na mu hi; hi takpi hi, na khut sungah na koih theih nadingin haksatna leh gimna na ciamteh hi; tuahsia mi in nangma tungah ama pumpi hong ap hi; pa nei lote a huhpa na hi hi.

Tedim Bible Revision 2017

¹⁴ Nangmah in na mu hi. Na huh theih nadingin haksatna le gimna a thuakte na ciamteh hi. A tuahsia mi in nangma tungah ama pumpi hong ap a, pa nei lote a huhpa na hi hi.

Late 10:14 Referans Kwoze

Late 68:5

Pa nei lote’ pa leh meigong numeite a hupa in, ama omna siangtho sunga om Pasian ahi hi.

Late 146:9

Topa in peemtate kem a, meigong numei leh pa nei lote a huh hi; ahih hangin amah in migilote’ vaihawmna suksiatsak hi.

Hosea 14:3

Assiria mite in hong honkhia zo ngei lo ding a, sakol galkapte zong suan’in, ka nei kei ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah theih lam ka thei uh hi,” ci-in thu ngen un.

Jeremiah 49:11

A tagah na tate uh ka kiangah hong koih un; ke’n amau ka kem ding hi. Na meigong numeite uh zong, kei hong muangsak un.

Late 55:22

Topa tungah na vangik nga in, amah in nang hong huh ding hi; amah in thumante cik mahin a kilingsak ngei kei ding hi.

Thu-hilhkikna 10:18

Amah in pa nei lote leh meigong numeite adingin thutang semin, mi peemte itin an leh puan a pia hi.

1 PETER MASA 5:7

Pasian in note hong keem ahih ciangin, na lunghihmawhna khempeuh uh ama tungah na koih un.

1 PETER MASA 4:19

Tua ahih ciangin Pasian’ deihna bangin gimna a thuak mite in, a pha a gamtatna uh zomin, thuman ahi amaute a Bawlpa’ khut sungah amau kha uh pia ta uh hen.

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

Habakkuk 1:13

Ahi zongin hih a gilo zuautat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin, amaute sangin a dikzaw mite a suksiatna-ah, bang hangin daicip na hi hiam?

Jeremiah 51:56

Babilon khua a susia ding mi khat hong pai khin zo hi, A galkapte uh kiman khin a, a thalte uh a tum a tel suak khin hi. Bang hang hiam cih leh Topa in a thukkik thei Pasian hi a, a thukkik taktak ding hi.

Jeremiah 16:17

Bang hang hiam cih leh a omdan khempeuh uh ka mit-in ka mu a, kei’ kiang pana a kiseel bangmah om lo hi. A khialhna khempeuh uh zong ka mit panin a kiseel kei hi.

Paunak 15:3

Topa’ mit in mun khempeuh mu a, misia, mipha, hong encik kim hi.

Late 35:22

Topa aw, na mu khin hi, dai om kei in! Topa aw, kei kiang panin gamla om kei in!

Late 22:11

Haksatna nai ahih manin kei tawh kigamla om kei in, hong huh ding kuamah dang om lo hi.

2 KHANG TANGTHU NIHNATE 6:23

vantung panin za-in gamta in la, na nasemte thukhenin, a mawh mi a gamtatna ama lu tung mah-ah tusakin thuk in la, a thuman mi a thumanna tawh kizui-in thaman piakna tawh langsak in.

2 KUMPI NIHNATE 9:26

‘Zan ni-in Naboth leh a tapate a kithahna ka muh taktak mah bangin—Topa in ci hi—leitang tung hih munah nang kong thuk ding hi,’ a ci hi. Tua ahih ciangin tu-in Topa’ thugen bangin amah tawmin tua mun leitang tungah paai in,” a ci hi.

Thukhente 1:7

Tua ciangin Adonibezek in, “A khutpite leh a khepi a ki-attan kumpi sawmsagihte in ka sabuai nuai-ah anneng kia tawm ngei uh hi; ka gamtatnasa bangin Pasian in kei hong thuk hi,” a ci hi. Tua ciangin amaute in Jerusalem-ah amah paipih uh a, tua mun-ah amah si hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Joel 3:4

“Tai-ar khua, Sidon khua, leh Filistia gam khempeuh aw, kei bang hong cih nuam-a kinei na hi uh hiam? Bang khat peuh hangin hong thukkik nuam-a kinei na hi uh hiam? Kei a hong thukkik na hih leh, kei zong manlang takin kong thukkik pah ding hi.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Piancilna 21:17

Pasian in tangvalpa’ aw za hi; Pasian’ vantungmi in vantung panin Hagar sam a, ama kiangah, “Hagar aw, bang in hong lungkhamsak hiam? Lau kei in; bang hang hiam cih leh tangvalpa a omna mun-a a kahna awging Pasian in za hi.

Piancilna 31:12

Amah in, ‘Khuadak to in la en in, a honte tunga a diang keelte khempeuh dung gial, bem gial-in puang uh hi; bang hang hiam cih leh Laban in nang' tunga hong bawlna ka mu khin hi.

Paikhiatna 2:25

Pasian in Israel mite mu a, Pasian in amaute’ omzia lunghimawh hi.

Paikhiatna 22:22

Meigong numei ahi a, tagah ahi zongin na gimsak kei ding uh hi.

Paikhiatna 22:26

Khapna ahi na vengpa’ puansilh na lak ngei khak leh nitum ma-in ama' tungah na piakik ding hi;

2 SAMUEL NIHNA 16:12

Topa in ka thuakna hong en-in, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

2 KHANG TANGTHU NIHNATE 24:22

Tua ciangin kumpi Joash in Zekhariah’ pa Jehoiada in ama tungah a lah dikna phawk nawn loin ama tapa thah sak mawk hi. Amah a sih ding ciangin, “Topa in mu hen la, thuk ta hen!” a ci hi.

Late 31:8

galte khut sungah kei nong pia kei hi; mun tanzau-ah ka khe na dingsak hi.

Late 68:6

Pasian in a cimawhte a ten’ nading inn pia hi; amah in thongkiate nopsakna munah tun hi; ahih hangin mi lehdote ahih leh keugaw gamah teeng uh hi.

Paunak 15:25

Topa in mi kiphasakte’ inn phelkhiatsak a, meigongte’ neihsa hutpih hi.

Kah la 3:59

A mawkna-a hong kimawhsaknate thei khin na hih ciangin thu hong khen in la, hong gum in.

Kah la 3:60

Ka galte’ hong muhdahna leh a vaihawm simna thute uh na thei khin zo hi.

Hosea 14:4

Ka mite tungah heh nawn lo ka hih manin ka mite ka kiangah ka sam kik ding a, lungsim takpi tawh amaute ka it ding hi.