Late 10:12 - Tedim Bible

¹² Tho in, Topa! Pasian aw, na khut lamto in la, a thuakte mangngilh kei in.

Tedim Bible Revision 2017

¹² Tho in, Topa! Pasian aw, na tha hong san inla, a thuakte mangngilh kei in.

Late 10:12 Referans Kwoze

Micah 5:9

Israel mite in a galte’ tungah a khutte uh lamto-in, a gal khempeuh uh zo gawpin susia mang ding uh hi.

Late 9:12

Bang hang hiam cih leh mi thahna a hua-pa in amaute phawk a, a thuak mite’ aw mangngilh lo hi.

Isaiah 33:10

Topa in, minam dangte kiangah, “Tu-in ka tho to ding a, ka vangliatna ka lak ding hi; tu-in kei hong kipahtawi ta ding hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Late 94:2

Tho in leitung thukhenpa aw, a kiphasak mite tungah amau ngah dinga kilawm pia ta in!

Late 17:7

Amau’ langpangte’ kiang panin na taklam khut hong belte’ Honpa aw, na itna kip lamdang takin hong lak in.

Late 77:9

Pasian in hehpihna a neih ding mangngilh khin ta ahi hiam? Amah in hehna tawh ama hehpihnate humcip khin ahi hiam?” ka ci hi.

Late 13:1

Topa aw, bang tanvei hi ding ahi hiam? Kei hong mangngilh paisuak ding na hi hiam? Bang tanvei kei kiang pan na maitang seel ding na hi hiam?

Late 9:19

Tho in, Topa! Mi, kizosak ke’n; na mai-ah minamte thu khen in!

Late 7:6

Tho in, Topa, hehsa-in thasaan in la, ka galte’ hehna hong dal in; khanglo in, ka Pasian aw, thukhen nading khat na seh khin zo hi.

Late 3:7

Tho in, Topa! Kei hong hon in, ka Pasian! Bang hang hiam cih leh nangmah in ka galte khempeuh’ paang na satgawp a, migilote’ ha na su-tan hi.

Thukhente 16:28

Tua ciangin Samson in Topa samin, “Topa Pasian aw, kei hong phawk in, kong thuum hi, tu-a ka mittang nihte’ tang dingin Filistia mite ka thuk theih nadingin hong thahat sak in, tu-a bek kong thuum hi,” a ci hi.

Late 9:13

Ka tungah hong dik in, Topa! Sihna panin hong honkhiapa aw, kei hong mudahte tung pan ka thuakna hong en in la,

Late 17:13

Topa aw, tho in! Amaute maiphut in la, thalpaih in! Topa aw, a deih khempeuh uh hih leitungah a nei migilote kiang panin nangma khut leh na namsau tawh kei hong honkhia in. Amau’ adingin na koihcing danpiaknate thuaksak in la, a tate un zong a cing valin thuak uh hen la, a naungekte’ adingin nusiat lai ta uh hen.

Late 74:19

A cimawh na mite, a gal gilote uh khut sungah nusia kei in la, bawlsiatna a thuak na mite mangngilh kei in.