Late 1:4 - Tedim Bible

⁴ Migilote ahih leh tua bang hi lo a, huih letkhiat ansi tawh kibang uh hi.

Tedim Bible Revision 2017

⁴ Migilote ahihleh tua bang hi lo uh a, huih in a letkhiat anvai tawh kibang lel uh hi.

Late 1:4 Referans Kwoze

JOB (Job) 21:18

Huih in a letkhiat buhkungte bang, huihpi in a mutkhiat buhsi bangin bawl ngei ahi hiam?

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Late 35:5

Topa’ vantungmi’ hawlna tawh amaute huih letkhiat ansite tawh kibangsak in.

Isaiah 17:13

Tui lianpi a ging bangin minamte awng uh hi, ahih hangin amah in amaute tai ding a, gamlapi-ah amaute taikhia ding uh hi; mual tunga huih mai-ah ansi leeng bang leh huihpi mai-a pingpei bangin amaute lengkhia mang ding uh hi.

Hosea 13:3

Tua ahih ciangin amaute pen zingsanga kai meiilum, a maimang pak daitui, ancilna panin huih in a let khiat ansi, meikhu suahna-a a pai meikhu bangin maimang ding uh hi.

Isaiah 29:5

Ahih hangin nangma gal honpite leivui neel leeng bang ding uh a, thukhual lo mi honpite ansi leeng bang ding uh hi. Tua ciangin tomkha sungin thakhat thu-in,

JOB (Job) 8:13

Pasian a mangngilh mi khempeuh tua mah bang ahi hi; Pasian a don lo mite’ lametna a bei hi.

Late 37:36

Ama kiangah ka paikik a, ah! amah na om nawn lo; ka zon’ hangin amah kimu lo hi.

Jeremiah 13:24

Sehnel gam pan-a hong nung huih in buhvai a mutmang bangin note kong thehthang ding hi.