Late 1:3 - Tedim Bible

³ Amah in luitui luang gei-a kisuan, ama gah hunin gah a, a teh a vul lo singkung tawh kibang hi. Ahihna khempeuh ah a ma pai hi.

Tedim Bible Revision 2017

³ Amah pen luitui luang gei-a a kisuan, ama gah hunin gah a, a teh a vul ngei lo, singkung tawh kibang hi. Ama hihna khempeuh ah a maa pai mahmah hi.

Late 1:3 Referans Kwoze

Jeremiah 17:8

Amah in gun gei-a kisuan singkung bang hi a, lui geiah a zung kha hi. A tehte hing den ahih manin nisa kihta lo hi. Kitatsat loin gah den ahih manin guah zuk loh kum ciangin zong lungkham tuan lo hi.

Ezekiel 47:12

Hih gun pang tuakah a gah nek dingin singkung nam khempeuh po ding hi. A tehte pulh ngei lo ding a, a gah tawh zong kilawi ngei lo ding hi. Biakinn panin a luangkhia tui ngah ding uh ahih manin kha simin a gah thak gah tawntung ding uh hi. A singgahte an ding hi ding a, a tehte zatui in kizang ding hi,” hong ci hi.

Late 92:14

Topa thutang hi ci-a a lah nadingin amaute teek napi-in gah lailai uh a, amaute tui kiuhkeuh-in hing sitset uh hi; amah ka Suangpi hi a, ama sungah thuman lohna om lo hi.

Johan 15:6

Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

Ezekiel 19:10

Na nu uh, lui tui gei-a a kisuan, leenggui tawh kibang hi. Tui tampi ngah a, a teh, a gah, pha hi.

Piancilna 39:23

Topa in amah tawh om ahih manin Josef' etna sunga om peuhmah thong kempa in don lo hi; ama' hih peuhmah Topa in daupaisak hi.

Mangmuhna 22:2

Tua gun lang tuakah nuntakna sing kung khat om a, tua kung tungah a gah pawl sawm leh pawl nih, kha khatin pawl khat ciat a gah thei hi. A tehte in zong mipawl pawlte natna dam nading ahi hi.

Ezekiel 17:8

Ahi zongin tua leenggui pen, a teh no-in, a gah gah thei-in leenggui lianpi a suah theih nadingin lim takin tui a ngah theihna mun lei hoihna sungah a kisuan khinsa ahi hi.

Mattiu 13:6

lei a dai manin, a po pah hangin, ni suak a, a sat ciangin, zung kha zo lo ahih manin a vul gawp hi.

2 KHANG TANGTHU NIHNATE 31:21

Amah in Pasian’ inn sung nasepna leh thukham leh thupiaknate tawh kizui-in a hihna ah ama Pasian zongin, a lungsim khempeuh tawh sem a, a ma vang hi.

Piancilna 39:3

Topa in amah a ompihna leh Topa in ama khut sungah a hih khempeuh a ma-van’sakna a topa in mu hi.

Late 128:2

Na khut tawh na sepsa thaman na ne ding a, na lungdamin na ma vang ding hi.

Isaiah 3:10

Amaute tungah thu hoih ding hi, ci-in thuman mite kiangah gen un, bang hang hiam cih leh amaute in amau gamtatna hoih a gah ne ding uh hi.

Isaiah 44:4

Amaute pen lopa dumna-a a po lopa bangin, tui sung pan-a pokhia, lui tui luang gei-a a om gialheek kungte bangin po khia ding uh hi.

JOB (Job) 14:9

guahtui ngahin, singkungno bangin hong sel kik hi.

Mattiu 21:34

A gah hun a tun’ dektak ciangin, a gah ngah dingin lo neipa in a nasemte, lo khawh lawhte kiangah a sawl hi.

Mattiu 21:19

Lampi geiah theikung khat a muh ciangin a kiangah a va pai leh, a teh longal bangmah a mu kei hi. Zeisu in, “Tu-a kipan gah loin om tawntung in,” a cih ciangin theikung dinggaw pah hi.

Juda 1:12

Tua mite in note ki-itna pawite ah note tawh an a nekkhawm a dawn khawm lai takun, lau loin amaute kham tak kivakin pawi sungah a nin a kisawh tuucing ahi uh hi; tui om lo, huih in a leen’pih meii bang ahi zongin, pulhkhia-in a gah om lo nihvei si-in a bul pan a kibotkhia singkung bang ahi zongin;

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Mattiu 21:41

‘Tua migilote sugawp ding a, a gah a tun’ ciangin a gah a pia ding lo kho dangte a khawh lawhsak ding hi,” ci-in a gen uh hi.

1 KHANG TANGTHU MASATE 22:11

Tu-in ka ta aw, amah in nangma thu a gensa bangin Topa na Pasian’ inn na lamna ah na tangtun’ theih nadingin Topa in nang hong ompih ta hen.

2 KHANG TANGTHU NIHNATE 32:23

Tua ciangin mi tampi in Jerusalem khua Topa kiangah letsongte hong puakin, Judah kumpipa Hezekiah kiangah na manphate hong puak uh a, tua huna kipanin minam khempeuh muhna ah amah kisangtawi hi.

Gamlak-vakna 24:6

Saupi a kiphah kuamte tawh kibang a, gun gei-a om huante tawh kibang hi, Topa in a suan aloes paknamtui kungte tawh kibang a, tui gei-a om taamtaak kungte tawh kibang hi.

Thu-hilhkikna 28:8

Topa in note’ ansal tung leh na hihna khempeuh uhah thupha hong puak ding hi; Topa na Pasian un note hong piakna leitangah amah in note tungah thupha hong pia ding hi.

2 KUMPI NIHNATE 18:7

Tua ciangin amah tawh Topa omkhawm hi; a kuankhiatna khempeuh ah mavang hi. Amah in Assiria kumpipa lehdo-in ama na sem lo hi.

1 KHANG TANGTHU MASATE 22:13

Tua ciangin Israelte’ adingin Topa in Moses a piak thukhamte leh biakna ngeina kipte zuih ding na kidop nak leh na maa vang ding hi. Thakhauh in la, hang in. Lau kei in; lungkia kei in.

JOB (Job) 22:28

Na hih khempeuh na taangtun’ dinga na maa vang ding hi.

Isaiah 58:11

Tua ciangin note lam kong lak tawntung ding a, ni tangin a kap leitangah na kisapnate uh kong lungkim sak ding hi. A cidam a thahatin kong om sak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

Ezekiel 31:5

Lim takin tui ngah ahih manin, singkung dang khempeuh sangin sang zaw hi. A hiangte zong golin sau mahmah hi.