Late 1:2 - Tedim Bible

² ama nopsakna in Topa’ thu sung bek mah hi a, sun leh zanin ama thu a ngaihsunsun mi ahi hi.

Tedim Bible Revision 2017

² Ama nopsakna pen Topa thu sung bek mah hi a, sun le zanin ama thu a ngaih sunsun mi ahi hi.

Late 1:2 Referans Kwoze

Joshua 1:8

Hih thukham laibu na mangngilh ngei kei ding hi. A sunga a kigelh thute khempeuh tawh kizui-in na gamtat theihna dingin sun leh zanin na lungngaingai ding hi; tua hi leh na lampi mavang ding a, na nasep tangtung ding hi.

Late 119:92

Nangma thu pen nuam a sa hi lo hi leng, ka thuakna-ah kei ka kisia khin zo ta ding hi.

Late 119:11

Nang tungah kong khialh loh nadingin ka lungsim sungah nangma thu ka khol hi.

ROM (Romans) 7:22

Ka sung mi hangin Pasian’ Thukham a pha ka sa hi.

Jeremiah 15:16

Na thute in kei hong kem a, an bangin ka ne hi. Na thute kei adingin kipahna leh lungdamna ahi hi. Bang hang hiam cih leh nangma’ min-in kei hong kilo hi, Aw, Topa, a vanglian Pasian aw,

Late 119:35

Nangma thupiakna lampi-ah kei hong paipih in, bang hang hiam cih leh tua-ah nuam ka sa hi.

Late 112:1

Topa phat un. Topa zahtak-in ama thupiaknate nuam a sa mahmah mi in thupha ngahpa ahi hi!

Late 104:34

Topa in kei hong lungdamsak ahih manin, ka lasaknate in amah lungdamsak ta hen.

Late 40:8

nangma deih bang hihna-ah nuam ka sa hi, ka Pasian aw; na thukham ka lung sungah om hi,” ka ci hi.

Late 119:1

Amau gamtatna-ah paubaan’na om lo a, Topa’ ngeina sunga gamtate in thupha ngah ahi hi!

1 JOHAN MASA 5:3

Bang hang hiam na cih uh leh, Pasian’ itna in ama thupiaknate zuihna ahi hi. Pasian’ thupiaknate zong a haksa lua ahi kei hi.

JOB (Job) 23:12

Pasian’ thupiakna bangin ka gamta ngitnget a, keima utna zui loin, ama deihna ka zui hi.

1 TIMOTI MASA 4:15

Na khan’tohna mi khempeuh mai-ah a kilat nadingin hih nate deihpha in la, hahkat in.

Late 119:72

Nangma kam sung pan-a thu in kham leh ngun tul tampite sangin kei adingin hoihzaw hi.

Luka 2:37

kum sawmgiat leh kum li dong meigong a, thungetna leh an tan’na tawh sun tawh zan tawh pelh loin bia-in biakna innpi lawi loin a om hi.

2 TIMOTI NIHNA 1:3

Keimah in na khitui luang phawk kikin, ka lungdamna a kicin’ nadingin nangmah kong mu nuam a, na pi Lois leh na nu Eunis sungah a masa-in kip-a, a om upna ahi zongin, ka lungkim mah bangin nangma sungah kiphatsakna hi loin a om upna ahi zongin ka phawk a, sun tawh zan tawh thu ka nget ciangin, nangmah hong mangngilh loin hong ngaihsunin, ka pute ka pate in a biak uh bangin ka lungsim kisuan’na om lo siangthona tawh ka biak Pasian’ hehpihna ka phat hi.

1 THESALONIKA MASA 2:9

Ute naute aw, kote in gimpi mahmahin nasemin ka hahkatna thu uh na thei uh hi. Note lakah mi khat peuhmah tungah vangik ka suah loh nadingun kote in sun tawh, zan tawh nasemin Pasian’ Lungdamna Thu note kiangah ka hong hilh uh hi.

Luka 18:7

Pasian’ teelsate in sun leh zanin ama kiangah kiko-in thu a nget uh leh, amaute’ thu khensak ding hilo ahi hiam? Amaute sawtpi thuak ding ahi hiam?

Late 88:1

Topa, ka Pasian aw, sun-in huhna kong ngen a, zan-in nangma mai-ah kong kiko hi.

Piancilna 24:63

Isaak in thu a lungngai dingin nitakin gam lakah paikhia hi; amah in a lu sangsakin khuadak hi, en in, kalaohte hong pai hi.

Ezra 7:10

Bang hang hiam cih leh Ezra in Topa’ thukham a sin ding, a zui ding, leh Israel mite a hilh dingin amah kipia hi.