Kolose 4:6 - Tedim Bible

⁶ Mi khempeuh tungah bang ci dawn’ kik ding cih na theih nadingun, note kam in ci al bangin a al limna tawh dimin kilawm tawntung ta hen.

Tedim Bible Revision 2017

⁶ Kam na pau uh ciangin miʼ zaknop, miʼ ngaih nop dingin na pau un. Tua hileh na kihopih uh mite khempeuh adingin phattuamna a nei kam a pau na hi ding uh hi.

Kolose 4:6 Referans Kwoze

Efesa 4:29

Nomau kam sungpan kam hoih lo khat beek pusuak kei hen. A za mite phattuamna a piang sak dingin, a sapna bangin a kipsak nadingin kam hoih na zang un.

1 PETER MASA 3:15

Na lungsim sung uhah Khazih in Topa ahi ci-in zahtakna nei un. Note’ lametna thu hong dong mi khempeuh kiangah lungnemna tawh, thusimna lungsim tawh na genkik theih nadingun, a kigingsa-in om tawntung un.

Thuhilh-sia 10:12

Mipilte’ kampauna in pahtawina ngahsak a, mihaite’ kampauna in amau mah siasak hi.

Marka 9:50

Ci in a hoih hangin a alna mang leh, bangci a al kik thei ding hiam? Note sungah ci omsak un la, khat leh khat kilemin om un,” ci-in a gen hi.

Paunak 15:4

Kamkhum in nuntakna piangsak a, kamsia in lung gimsak hi.

Paunak 15:7

Mipilte’ kampauna in pilna khang sak a, mihaite lungsimah thuman lohna bek om hi.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Mattiu 5:13

“Note in leitung’ ci na hi uh hi. Ci in a alna a man’ leh, bangci a al kik ding hiam? Dai pua lamah paikhia-in mite sikgawp ding longal kiman’na om lo hi.

Paunak 10:21

Mihoihte’ thugente in mi tampi nuamtuam sak a, mihaite in a hai sihpih uh hi.

Late 119:46

Kumpite’ mai-ah nangma thute ka gen ding a, maizumna ka thuak kei ding hi;

Late 105:2

Ama tungah la sa un la, ama tungah phatna la sa un, a lamdang ama nasepte khempeuh gen un!

Late 45:2

Mihing’ tate lakah nangmah na hoihpen a, thugen siamin na kam khum zungzung hi; tua ahih ciangin Pasian in nang thupha hong pia tawntung hi.

Luka 4:22

Mi khempeuhte in Zeisu thu mang uh a, ama kam sung pan a paikhia lungsim phawn’sakna thu, lamdang a sa uh a, “Hih pa in Josef tapa hilo ahi hiam?” a ci uh hi.

Late 119:13

Nangma hong piak na biakna ngeina kipte khempeuh ka gengen ding hi.

Late 66:16

Pasian zahtak note khempeuh aw, hong pai un la, za un, kei’ adinga ama bawlsate kong gen ding hi.

1 KHANG TANGTHU MASATE 16:24

Minamte lakah ama minthan’na gen khia un la, a lamdang ama septe mi khempeuh lakah gen un!

Thu-hilhkikna 11:19

Na tate uh tungah na hilh ding uh a, na inn sung uhah na tut laitak, lampi ah na pai laitak, leh na lup ciang leh na thawh ciangun tuate genin na nei ding uh hi.

Siampi Laibu 2:13

An tawh na biaknate khempeuh ci na sawh ding hi; an tawh na biakna-ah na Pasian tawh na thuciamna ci hel loin na om kei ding hi; na biakna khempeuh ci tawh na pia ding hi.

Ezekiel 43:24

Topa ahi keima kiangah nong paipih ding hi. Siampite in tua ganhingte tungah ci thehin, keimah hong biakna-in tua ganhingte hal ding uh hi.