Kolose 4:18 - Tedim Bible

¹⁸ Kei Paul in ka khut tawh note hopihna hih lai kong gelh hi. Kei’ thuak kikhihna na ngaihsun un. Note tungah hehpihna thupha om ta hen.

Tedim Bible Revision 2017

¹⁸ Keimah Paulʼ khut mahmah tawh, Note ka hong hopih hi, cihna lai ka gelh ahi hi. Sikkhau khihna ka thuakna thu mangngilh kei un. Note khempeuh tungah Pasianʼ hehpihna thupha hong tung tahen.

Kolose 4:18 Referans Kwoze

Hebru 13:3

Khau khihna a thuak mi tawh kikhih khawm bangin kingaihsun un: pumpi tawh kipelh lo na hih uh ciangin bawlsiatna a thuakte na ngaihsun un.

2 TIMOTI NIHNA 4:22

Topa in na kha tawh omkhawm ta hen. Nangma tungah hehpihna thupha om ta hen.

1 TIMOTI MASA 6:21

Tua nate’ pilna, mi kimkhat in a mang uh a, a bawl manun upna lam pan a pial zo uh hi. Nangma tungah hehpihna thupha om ta hen.

1 KORIN MASA 16:21

Keimah Paul in kihopih nading ka khut tawh kong gelh hi.

Hebru 13:25

Note khempeuh tungah hehpihna thupha om ta hen. Amen.

Titu 3:15

Keima kiangah a om mi khempeuh in nang hong hopih uh hi. Upna sungah ko hong itte na hopihsak in. Note khempeuh tungah hehpihna thupha om ta hen.

2 TIMOTI NIHNA 1:8

Tua ahih ciangin Topa teci pan’na ahi zongin, tua Topa’ thongkiapa ahi keimah ah ahi zongin zum kei in. Pasian hong piak a vangliatna bangin Lungdamna Thu tawh kizomin gimna na thuak in.

Filippi 1:7

Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

2 THESALONIKA NIHNA 3:17

Keimah Paul in note hopihna ka khut tawh kong gelh hi. Hih banga ka gelh thuhilhna lai khempeuh pen a tuam a, keima ciaptehna ahi hi.

Kolose 4:3

Keimah in Khazih’ thu thuk hangin thongkiatna ka thuak a, tua thu thukna gen dinginah Pasian in thuhilhna kongkhak, kote ading a hong hon’ nading ahi zongin, tua thu thukna hilh ding a kilawm mah bangin ka hilh theih nading uh ahi zongin, kote ading thu hong ngetsak un.

2 KORIN NIHNA 13:14

Topa Zeisu Khazih’ hehpihna thupha ahi zongin, Pasian hong itna ahi zongin, Kha Siangtho’ kihotheihna ahi zongin note khempeuh tawh omkhawm ta hen.

ROM (Romans) 16:23

Kei ahi zongin, pawlpi khempeuh ahi zongin, zin hong do thei Gaias in note hong hopih hi. Khuapi dangka keem Erastas leh i sanggampa Kuartas-te in note hong hopih uh hi. (

ROM (Romans) 16:20

Nopna hong pia Pasian in a sawt loin note khe nuai uh ah Satan a bawlsia ding hi. Eite Topa Zeisu Khazih’ hehpihna thupha in note tungah om ta hen.

ROM (Romans) 16:22

Hih lai a gelh keimah Tertias in Topa hangin kong hopih hi.