Kolose 4:17 - Tedim Bible

¹⁷ Arkhippas kiangah zong, “Nangmah in Topa’ khut sungah na ngah nasepna na zawh khit nadingin ciamteh in,” ci-in na gen un.

Tedim Bible Revision 2017

¹⁷ Tua ciangin Arkhippas kiangah, “Pasian adingin nasepna nang tungah hong kipia pen hoihtakin na zo in,” ci-in na gen un.

Kolose 4:17 Referans Kwoze

Filemon 1:2

leh i sanggamnu Apfia leh ko tawh galkap ahi khawm Arkhippas akipan, nangma inn sungah a om pawlpite ka hong zasak uh hi.

2 TIMOTI NIHNA 2:2

Teci tampi mai-ah keima kiang pan na zaksa nate, dikna tawh dimin midangte a hilhsawn thei ding mite’ tungah na ap in.

2 TIMOTI NIHNA 1:6

Tua ahih ciangin nangma tungah ka khut ngakna tawh, nang, Pasian in hong piak letsong thupha na kuan’sak det nadingin kei in ka hong phawksak hi.

1 TIMOTI MASA 6:20

Timoti aw, nang hong kipia na, a pha takpi-in kem in. Nate’ thu pilna hi ci a, kiphuak khial, pilna thu tawh kipawl hi lo a, mawkna kamte, nate’ pilna khamna kinialnate na pel in.

1 TIMOTI MASA 4:16

Nangmah ahi zongin, na thuhilhna ahi zongin, kikeem in la, na om in. Hih nate-ah na kip tawntung in. Tua bang na hih leh, nangmah ahi zongin, na thu a ngaite ahi zongin gupna na ngahsak ding hi.

1 TIMOTI MASA 4:6

Hih nate nang in ute naute kiangah na hilh leh, upna thu leh tu dongin nang na zuih thuhilhna a hoih tawh kivakin, Khazih Zeisu’ nasem hoihpa na hi ding hi.

Efesa 4:11

Khazih’ pumpi lamin nasep nading ahi zongin, misiangtho kipsak nading ahi zongin amah in mi kimkhatte sawltak za ahi zongin, mi kimkhat kamsang za ahi zongin, mi kimkhat Lungdamna Thu, thuhilh za ahi zongin, mi kimkhat pawlpi kem Sia za leh laihilh za ahi zongin a koih hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

2 KHANG TANGTHU NIHNATE 29:11

Ka tapate aw, Topa in ama na sem ding, leh ama nasemte hi-in ama tungah paknamtui a hal dingin note hong teel khin ahih manin tu-in mawk om kei un,” a ci hi.

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

Sawltak 14:23

Pawlpite khempeuh ah amaute’ adingin upate a koih sak uh a, an tangin thu a nget khit uh ciangin, amaute in a up uh Pasian’ khut sungah a ap uh hi.

Gamlak-vakna 18:5

Israel mite tungah hehna a a om nawn loh nadingin biakinn nasep leh biakna tau nasep note in na sem ding uh hi.

1 TIMOTI MASA 4:14

Genkholhna tawh, pawlpi upate’ khutngakna tawh nang hong kipia thupha letsong zang loin om kei in.

Mattiu 25:17

Tua mah bangin talen nih sangpa in zong, adang amet talen nih mah a ngah hi.