Kolose 4:12 - Tedim Bible

¹² Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

Tedim Bible Revision 2017

¹² Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

Kolose 4:12 Referans Kwoze

ROM (Romans) 15:30

Ute naute aw, keimah in Judah gamah a om thu nialte’ khut tung pan ka suahtak nading ahi zongin, Jerusalem khuapi-ah keimah in an vaakna ka sep ding misiangthote in a deih nadingun ahi zongin, Pasian’ deihna bangin lungdamna tawh note omna-ah kong tung ding a, note tawh noptuamna ka ngah khawm nadingin ahi zongin, note in keimah tawh hahkatin keimah ading Pasian kiangah thu na ngetsak ta un, ci-in i Topa Zeisu Khazih leh Kha Siangtho-a itna tawh note kong thuum hi.

Kolose 1:9

Tua ahih ciangin kote in zong ka zak uh ni pan akipan, note ading thungen tawntungin ka om uh hi.

Filemon 1:23

Khazih Zeisu sungah keimah tawh thong a kia khawm Epafros akipan ka naseppih Marka, Aristarkhus, Demas leh Luka-te in nang hong hopih uh hi.

Kolose 1:28

Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

Kolose 1:7

Kote ading Khazih’ nasem muanhuai, ka it uh sila ka hih khawmpih uh Epafras in note hong hilh bangin, note in na zak uh Pasian’ hehpihna a man taka na theih ni uh pana kipan tua nopna na ngah uh hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Galati 4:19

Khazih in note sungah kip-a, a om matengin note ading ta suak gimna ka thuak ka ta neute aw,

Galati 1:10

Tu-in keimah in mi’ deihna zui ka hi hiam? Ahih kei leh, Pasian’ deihna zui ka hi hiam? Mite’ pahtak ding hanciam ka hi hiam? Mite’ pahtak nading hanciam ka hih leh, Khazih’ sila ka hi kei hi.

ROM (Romans) 15:14

Ute naute aw, note in lungsim pha tawh dimin, pilna tawh na dim uh a, khat leh khat thu na kihilh thei uh, ci-in ka um hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

Hebru 5:14

Ahih hangin an tak in a sia a pha khen theihna pilna a nei, zakna muhnate zangin zongsang a, amau leh amau a kiseksa, a picing mite’ ading ahi hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Kolose 1:22

ci leh sa-ah sihna a thuak maninah tu-in kilemna a hong piangsak hi. Bang hang hiam na cih uh leh, van nuai-ah a om a pian’sak khempeuhte kiangah hilhin note in na zaksa uh Lungdamna Thu lametna pan kiam loin, khuam bangin kiphutin, kipna tawh na up uh leh, siatna om lo a, siangtho-in Pasian mai-ah hong kipiak nading ahi hi. Keimah Paul zong tua thu tawh kipawl a, nasemin hong kikoih zo hi.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

1 KORIN MASA 14:20

Ute naute aw, pilna lamah naupang bang kei un. Gitlohna lamah nawine naungeek bang un. Lungpilna lamah a khan’ khinte bang un.

1 KORIN MASA 2:6

A kicing mite kiangah pilna thu i gen hi. Ahih hangin leitung pilna thu ahi zongin, a mangthang ding hih leitung ukte’ pilna thu ahi zongin ka hilh kei uh hi.

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Mattiu 5:48

Tua ahih ciangin, vantungah a om na Pa uh a migi mah bangin na migi ta un.”

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

Jeim 1:1

Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

1 THESALONIKA MASA 5:23

Nopna hong pia Pasian mah in note khempeuh hong siangthosak ta hen. Note lungsim, na kha leh na pumpi uh, i Topa Zeisu Khazih hong pai kik ciangin mawhsakna tawh a kipelh nadingun hong keem ta hen.

Luka 22:44

Amah gim mahmah ahih ciangin, nakpi-in thungen a, a khua-ul in lei tungah sisan malgol bangin a kia hi.

Luka 1:1

A lian mahmah Theofilas aw, a cil panin mittang in a muh teci leh Pasian thuhilh na a sem mite in hong gen uh mah bangin,

Kolose 1:29

Tua bang deihna-in kei in hahkatin keima tungah, vanglianpi tawh hong bawlphatna bangin semin, demin ka om hi.

Jeim 1:4

Note in a neu kha beek kisam loin na kicin’ nadingun, thuakzawhna lungsim in kicing takin hong bawlpha ta hen.