Kolose 4:10 - Tedim Bible

¹⁰ Kei tawh thong a kia khawm mi Aristarkhas akipan Barnabas’ nau Marka leh Justas a kici Zeisu te in note a hong hopih uh hi. Marka thu tawh kipawl note kiangah ka hong khak zo hi. Amah note kiangah a hong tun’ ciangin dawnin na tungsak un.

Tedim Bible Revision 2017

¹⁰ Kei tawh thong a kia khawm Aristarkhas in note hong hopih hi. Barnabasʼ sanggamnuʼ tapa Marka in zong hong hopih hi (amah hong pai ciangin hoihtakin na pawlbawl un, ci-a hong kigen pa ahi hi).

Kolose 4:10 Referans Kwoze

2 TIMOTI NIHNA 4:11

Luka bek ka kiangah a om hi. Marka hong zawn in la, hong tonpih in. Bang hang hiam cih leh, ama nasepna ka phattuampih mahmah hi.

Sawltak 19:29

Khua sung khempeuh gamlumna tawh kidim hi. Amaute in Makedonia pana Paul’ khualzinpihte, Gaias leh Aristarkhus a mat khit uh ciangin, pawikhamna inn sungah lungsim kikhatin a tai uh hi.

Sawltak 27:2

Asia gam tuipi gei-ah a om khuate ah pai dinga kisa Adramittium teembaw tungah tuangin ka pai uh hi. Makedonia gam Thesalonika khua mi Aristarkhas kote tawh a omkhawm hi.

Sawltak 20:4

Paul tawh Asia gam a zin dingin a paikhawm mite in Bera khua mi Pirras’ tapa Sopater, Thesalonika khua mi Aristarkhus leh Sekundus, Derbe mi Gaia, Listra mi Timoti, Asia gam mi Tikhikas leh Trofimas-te ahi uh hi.

Sawltak 12:12

Tua bang a ngaihsut khit ciangin Marka, a min thak Johan’ nu Mari’ innah a pai hi. Tua san takah mi tampi hong kikhawm uh a, thu a ngen uh hi.

1 PETER MASA 5:13

Ka tapa Marka akipan Babilon khuapi sungah a om note tawh a kiteel khawm pawlpite in note hong hopih uh hi.

ROM (Romans) 16:7

Kei tawh thongkia khawm, keima behte ahi Andronikas leh Junias zong na hopihsak un. Amaute in sawltak lakah maiphatna a ngah mi ahi uh a, kei mai-ah Khazih’ sunga om mite ahi uh hi.

ROM (Romans) 16:2

Misiangthote in ahih ding a kilawm bangin, Pasian hangah tua numei na tungsak un la, amah huh dinga a kisapnate khempeuh na huh ta un. Bang hang hiam na cih uh leh, amah in mi tampi ahi zongin, keimah ahi zongin hong huh mi ahi hi.

Sawltak 13:13

Paul leh a lawmte in Pafos khua panin teembaw tungah tuangin Pamfilia gam sung Perga khua-ah a tung uh hi. Tua khua panin Johan in amaute tawh kikhen a, Jerusalem khua-ah a ciah hi.

Sawltak 4:36

Josef kici, “Hehnem’ Ta” cihnopna ahi sawltakte in Barnabas min a phuah thak uh,

Sawltak 13:5

Salamis khua-ah a om lai takun Judah mite’ kikhopna inn sungah Pasian’ thu a hilh uh hi. Johan in amaute huh dingin a om

Sawltak 12:25

Barnabas leh Saul in a sep ding bang bang uh a zawh khit uh ciangun Marka kici a min thak Johan tonpihin, Jerusalem khua panin a ciah uh hi.

Filemon 1:23

Khazih Zeisu sungah keimah tawh thong a kia khawm Epafros akipan ka naseppih Marka, Aristarkhus, Demas leh Luka-te in nang hong hopih uh hi.