Kolose 4:1 - Tedim Bible

¹ Tote aw, note in zong vantungah om Topa khat na neih uh na thei un la, thuman thutak leh a kilawm a kituakin na silate uh na bawl un.

Tedim Bible Revision 2017

¹ Tote aw, note in zong vantungah To khat na neihna uh phawk unla, na silate uh a kilawm a kituakin bawl un.

Kolose 4:1 Referans Kwoze

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Thuhilh-sia 5:8

Kumpite in mizawngte gim ngah sakin, thuman thutangin na a kisep kei leh, lamdang sa kei in. Uliante pen amau’ tunga uliante in en uh a, tuate tungah a en sawn a lianzaw khat om lai hi.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

Luka 19:15

Hausapa in a gam a ngah khit ciangin hong ciahkik a, a sum a kepsak nasemte in sum bawlna pan a met bangzah a ngah uh hiam cih a theih nadingin tuate a samsak hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Siampi Laibu 19:13

“Note in na vengte uh na nengniam kei ding uh a, a na na sut kei ding uh hi. A kicial nasempa’ thaman pen a zingsang dong zan tawntung na kemcip kei ding uh hi.

Isaiah 58:3

“Kote in an tang napi-in bang hangin hong mu lo na hi hiam? Kote kiniamkhiatin om napi-in bang hangin hong thei kha lo na hi hiam? ci uh hi. En un, note in an na tan’ ni-un nomau’ deihna na zong uh a, na nasemte uh na nengniam uh hi.

Mattiu 20:4

‘Note zong ka leenggah lo-ah va pai un. A kituak zah ka hong pia ding hi,’ ci-a tua mite a kuan uh hi.