Kolose 3:8 - Tedim Bible

⁸ Tu-in ahih leh, tua khialhna khempeuh ahi zongin, hehna, thangpaihna, hazatna, mindai nading gensiatna, kam kihhuai zatnate ahi zongin, na muk uh pan paaikhia un.

Tedim Bible Revision 2017

⁸ Ahi zongin tu-in hehna, thangpaihna, muhdahna, gensiatna, kam hoih lo pauna cihte nei nawn kei un.

Kolose 3:8 Referans Kwoze

Efesa 4:29

Nomau kam sungpan kam hoih lo khat beek pusuak kei hen. A za mite phattuamna a piang sak dingin, a sapna bangin a kipsak nadingin kam hoih na zang un.

Efesa 5:4

A kilawm lo kihhuaina kam, a mawkna kam, amawkna kamsiate zong paaikhia un la, Pasian’ hehpihna phatna kamte zang un.

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

Efesa 4:26

Hehna tawh khialhna om sak kei un. Na hehna uh dam loin ni na tum sak kei un.

Hebru 12:1

Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in

Paunak 29:22

A heh pahpahte in kitotna piangsak a, a heh baihte khial thei tawntung hi.

Kolose 3:9

Khat leh khat zuauthu kigen kei un. Bang hang hiam na cih uh leh, note in mi lui gamtatna leh mi lui pum suahkhia-in, a hong piangsakpa’ lim bangin, pilna maan adingin a kibawlpha mithak a sillh mi na hi uh hi.

1 PETER MASA 2:1

Tua ahih ciangin Topa in a pha hi ci-in note in na ciam zo uh ahih leh, gitlohna khempeuh, mi kheemna leh simtatna leh en’na khempeuh, gensiatna apawl apawl khempeuh note in paaikhia-in hong gupkhiatna ah na khan’toh nadingun Pasian’ thu nawizu siangtho a duh a suak tung naupangte bangin lungsim na nei un.

2 KORIN NIHNA 12:20

Bang hang hiam na cih uh leh, ka hong tun’ ciangin note in ka deih mi na hih loh uh a, keimah in zong no deih loh mi hi ding ahi zongin, note lakah kitotna, gendaina, nakpi-a hehna, kiseelna, kiphunsanna, kikhenna, kiphatsak theihna, buaina a suah ding ahi zongin,

1 KORIN MASA 3:3

Bang hang hiam na cih uh leh, leitung lungsim a nei mite na hi lai uh hi. Note lakah ki-en’na leh kitotna a om lai tengin leitung lungsim a nei mite hilo na hi uh hiam? Leitung mite’ ngeina bangin gamta hilo na hi uh hiam?

Mattiu 5:22

Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Late 37:8

Hehna panin kikham in la, sinsona nusia in! Nangmah kilungsosak kei in; tua in siatna bek-ah hong paipih hi.

Galati 5:15

Ahih hangin khat leh khat na kipeh, na kinek uh leh, khat leh khat na kisiasak ding uh hi ci-in lunghimawhin kikem un.

ROM (Romans) 13:13

Pawikhamna, guih theih zu kham luatna ahi zongin, hukna, lanna kihhuaina ahi zongin, kitotna, kidemna ahi zongin tangin, sun laitak mah bangin kilawmin gamta ni.

Paunak 17:14

Kitot i kipat ciangin tui lipi cin’na phung kehsak khak tawh kibang hi; tua ahih manin a nasiat ma-in kitot khawl pak in.

Juda 1:8

Tua mah bangin tua mite in tua bangin a pumpi uh kihhuaisak a, ukna thu nial-in, vanmite a gensia uh hi.

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

Jeim 2:7

Note hong kiphuahna min ngaih amaute in a gensia uh hilo ahi hiam?

1 TIMOTI MASA 1:20

Tua mite lakah Himenaius leh Alekzander a om uh hi. Tuate in thu gensiatna kam a gen nawn loh nading uh a kisin nadingun Satan ka keemsak zo hi.

1 TIMOTI MASA 1:13

Bang hang hiam cih leh, keimah in Pasian a kosia ngei mi, a bawlsia ngei mi, a khialtat ngei mi ka hih hangin thudik mi ci-in Topa in hong ciamteh a, thuhilh za-ah hong koih hi. Bang hang hiam cih leh, upna nei lo, thu thei loin ka bawlna hang hi.

Galati 5:26

Khat leh khat kibawlsiatna, khat leh khat kihazatna tangin mawkna minthan’nate lunggulhin om kei ni.

Galati 5:20

milim biakna, mibumna, kitot na’ng bawlna, kitotna, kidemna, hehna, kiseelna, kithutuah lohna, kipawl khenna

Marka 7:22

mi’ sum gukna, mi thahna, mi’ zi tungah mawhna, huaihamna, gitlohna, mi kheemna, kihhuai deihna, een’na,

Mangmuhna 16:9

Mei sa pha lua-in mite a kang tum uh a, gimnate a uk Pasian’ min a kosia uh hi. Topa’ vangliatna phat nading a kisik kei uh hi.

Paunak 19:19

Migilopa, ama thuak ding daan mah thuaksak zaw in; honkhia lecin, na hotkhiat kik zelzel kul ding hi.

Juda 1:13

amau zumna thu a phuansak tui kilok gilo bang ahi zongin, khuamial pha mahmah a tawntungin amaute ading a kikoih khol a, a om aksi leeng bang ahi zongin a suak uh hi.

2 PETER NIHNA 2:7

Tua lai takin mi gilote’ kihhuai gamtatna hangin bawlsiatna a thuak, midik Lot a gumkhia hi.

Efesa 4:25

Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.