Kolose 3:7 - Tedim Bible

⁷ Tua mite tawh note zong nidanga na kipawl lai takun tua khialhnate na gamta uh hi.

Tedim Bible Revision 2017

⁷ Note pen hih bangin gamta-in a nungta ngeite na hi uh hi.

Kolose 3:7 Referans Kwoze

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Kolose 2:13

Mawhna-ah ahi zongin, pumpi vunatna ngah lohna-ah ahi zongin si-in a om note, Khazih tawh kibangin hong hingsak a, eite khialhna khempeuh a hong maisak hi.

ROM (Romans) 7:5

Eite in i pumpi ngeina bangin gamta-in i om lai takin, mawhna tawh akipawl i lungsim in Thukham hangin piang a, sihna suahna gah a gah nadingin i pumpi tung nate sungah nasem hi.