Kolose 3:5 - Tedim Bible

⁵ Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

Tedim Bible Revision 2017

⁵ Tua ahih manin nulepa mawhna, a kilawm lo gamtatna, hukna lanna, a hoih lo lunggulhna le milim biakna nam khat ahih manin huaihamna ahi note sungah a om leitung lungsimte na sisak un.

Kolose 3:5 Referans Kwoze

ROM (Romans) 8:13

Note in ci leh sa thu zui-in na nuntak uh leh, na si ding uh hi. Kha Siangtho hangin na pumpi uh a gamtatna na sihsak uh leh, na nungta ding uh hi.

Galati 5:24

Khazih Zeisu’ aa-te in si-le-sa’ deihna leh lunggulhnate singlamteh tungah a khencip zo uh hi.

ROM (Romans) 6:13

Tua tham loin na pum tung nate in diklohna’ hiam a suah nadingun mawhna kiangah na pia kei un. Sihna pan a thokik mi bangin, Pasian kiangah na pumpi uh na pia un. Dikna’ hiam bangin Pasian kiangah na pumpi tung nate zong na pia un.

1 PETER MASA 2:11

Ka itte aw, kha tawh a kido thei pumpi tawh kipawl deihgawhnate khempeuh na tan’ nadingun, khualzinte, mi peemte bang ahi note ka hong thuum hi.

1 KORIN MASA 6:18

Numei tawh mawhna pan taikhia un. Mi in ahih theih khialhna a vekpi-in pumpi pua lamah om hi. Numei tawh a khial mi in ahih leh, ama pum tungah a khial hi.

Efesa 4:19

Amaute in maizumna nei lo uh a, a deihgawhna uh a lian mahmah kihhuai gamtatna nam khempeuh a gamtat nadingun, amau pumpi in a lunggulhna uh khut sungah a kipia uh hi.

2 KORIN NIHNA 12:21

nidang hunin khialin kihhuai gamtatna, numei tawh mawhna, huk luatna, lan luatnate hih kha-in, tu dongin kisik lo-a om mi tampi hangin lungsim nuam loin ka thuum a, note mai-ah ka Pasian in kei hong niamkhiatin amaute hanga hong kidahsak khak ding ka lau hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

ROM (Romans) 7:23

Ahi zongin ka pum tung nate lakah adang thukham khat ka lungsim tawh kido a, ka pum tung nate mawhna khut sungah manin a piak theih ka mu hi.

Mattiu 15:19

A hoih lo ngaihsutna, mithahna, mi’ zi tungah mawhna, numei tawh mawhna, mi’ sum gukna, zuauthu teci pan’na, mi gensiatna, tuate in lungsim sung pan a paikhia hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Jeim 4:1

Note lakah galdona leh kitotna koi pan hong piang ahi hiam? Note’ pumpi sung uhah a om nate lakah gal a bawl thei na deihgawhnate uh pan piang hilo ahi hiam?

1 KORIN MASA 6:13

An leh tui in gilpi ading, gilpi in zong an leh tui ading ahih hangin tua tegel Pasian in a siasak ding hi. Pumpi in numei tawh khialhna ading ahi kei hi: Topa ading hi a, Topa in zong pumpi ading ahi hi.

ROM (Romans) 6:6

Khialhna tawh kipawl pumpi a kisuksiat nading ahi zongin, eite in mawhna’ sila a, i om loh nading ahi zongin, eite pumpi lui in amah tawh singlamteh tungah sihna a thuak khawm zo hi cih i thei hi.

Hebru 13:4

Mi khempeuh lakah kiteen’na kithupisim ta hen. Pasalte leh zite in khat leh khat a thuman ciat ding uh ahi hi. Bang hang hiam na cih uh leh, numei tawh a mawhte leh mi’ zi tungah a mawhte Pasian in thu a khen ding hi.

Hebru 12:16

numei gilo tawh a mawhte a om loh nading ahi zongin, khatvei neek bek tawh ama ta upa-za a zuak Esau bangin Pasian’ thu a simmawh mi a om loh nadingin kikemin kidawm un.

1 THESALONIKA MASA 4:3

Pasian’ deihna in note in numei tawh khialhna tangin na sian’tho nading uh ahi zongin,

1 KORIN MASA 5:1

Numei tawh mawhna tham lo a pa’ zi, zi-a a nei Gentailte lak nangawn ah a kiza ngei lo mawhna, note lakah a om thu a kithang zo hi.

ROM (Romans) 7:5

Eite in i pumpi ngeina bangin gamta-in i om lai takin, mawhna tawh akipawl i lungsim in Thukham hangin piang a, sihna suahna gah a gah nadingin i pumpi tung nate sungah nasem hi.

ROM (Romans) 1:29

diklohna tawh, gitlohna tawh, duhgawh huaihamna tawh, hazatna tawh, en’na tawh, mi thahna tawh, kitotna tawh, kheemna tawh, etsat muhdahna tawh a dim uh hi.

ROM (Romans) 1:26

Tua bang ahih uh ciangin Pasian in amaute zumhuai lunggulhna khut sungah a pia hi. Amau numeite in a ngeina bang zui loin, a ngeina tawh kituak lo lam a zui uh hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Kolose 2:11

Khazih’ sungah vunatna hangin ci-le-sa pumpi paaikhia-in, khut tawh kibawl lo vunatna Topa tawh na ngah uh baptaizna hangin, amah tawh na kivui khawm uh hi. Khazih sihna pan a thosak Pasian’ vangliatna na upna uh hangin baptaizna ngahin tua Topa tawh thawhkikna na ngah uh hi.

1 TIMOTI MASA 6:10

Bang hang hiam cih leh, sum hauh nopna in khialhna pawl khempeuh bul ahi hi. Mi kimkhat in sum hauh nopna hangin upna lampi pan paikhia-in, lunggimna apawlpawl tawh amau pumpi uh a vut let zo uh hi.

Hebru 13:5

Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

Paikhiatna 37:22

Amau’ nunte leh a hiangte in tua tawh sakhat ahi hi; a buppi-in kham citak a kiseek sakhat ahi hi.