Kolose 3:24 - Tedim Bible

²⁴ Bang hang hiam na cih uh leh, Topa Khazih’ nasem na hih uh ciangin luahna ahi thaman tua Topa’ khut tung pan na ngah ding uh hi ci-in na thei un.

Tedim Bible Revision 2017

²⁴ Topa in note tungah thaman a hong piak ding lamtak phawk gige un. Tua bangin na sepna uh ah Khris Topaʼ na a semsem na hi uh hi.

Kolose 3:24 Referans Kwoze

Efesa 6:8

Thuhoih bawla gamta mi in sila hi taleh, sila lo hi taleh, Topa khut sung pan thaman a ngah ding na thei ta un.

Luka 14:14

Amaute in nang hong thukkik nading bangmah nei lo uh ahih ciangin, thupha na ngah ding hi. Bang hang hiam na cih uh leh, midikte’ thawhkik ni ciangin nang hong kithukkik ding hi,” a ci hi.

Galati 1:10

Tu-in keimah in mi’ deihna zui ka hi hiam? Ahih kei leh, Pasian’ deihna zui ka hi hiam? Mite’ pahtak ding hanciam ka hi hiam? Mite’ pahtak nading hanciam ka hih leh, Khazih’ sila ka hi kei hi.

1 KORIN MASA 7:22

Bang hang hiam cih leh, sila ahihna-ah Topa’ sapna a ngah mi in Topa-ah suakta mi ahi hi. Tua mah bangin to neih lohna pan sapna a ngah mi in Khazih’ sila ahi hi.

Sawltak 20:32

Tu-in Pasian kiangah note kong pia hi. Note hong kipsak nading ahi zongin, misiangthote khempeuh tawh a kibangin note in luahna na ngah nading uh ahi zongin, ahih thei Pasian’ hehpihna thupha ah note kong ap hi.

Hebru 11:6

Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

Hebru 10:35

Tua ahih ciangin phattuamna lian mahmah tawh kizom na lau lohna lungsim uh na paaikhia kei un.

Efesa 6:6

Mite lungnemsak mi bangin amaute mai bekah mang hi loin, Khazih’ sila bangin lungkimin Pasian’ deihna bangin mite’ nasem bang bek hi loin, Topa’ nasem bangin itna lungsim tawh na sem un.

Mattiu 5:46

Hong itte bek na it uh leh, na gitna uh bang phattuamna na ngah ding uh hiam? Siahdongte in zong tua bang ahih uh hilo ahi hiam?

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Paunak 11:18

Migilote in a man nei taktak bangmah ngah lo a, thuman-a gamtate in pel loin thaman hoih ngah hi.

Juda 1:1

Zeisu Khazih’ sila leh Jeim’ sanggampa keimah Juda in, Pa Pasian hangin itna ngahin, Zeisu Khazih adingin kikemin, sapna a ngah mite kiangah ka hong zasak hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Kolose 2:18

Lutang suang loin, pumpi ci-le-sa tawh kipawl ama lungsim tawh kisathei mawkin, ama theih loh a muh loh thute kantelin lungsim kiniamsakna-ah ahi zongin, vantungmi biakna-ah ahi zongin, nuamsa-a a om mi khat nangawn note lungdamna kisutsak kei un.

1 KORIN MASA 3:8

Ahih hangin a suanpa leh tui buakpa in mikhat ahi uh a, amau nasep bangin amau ciat in thaman a ngah ding uh hi.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Ruth 2:12

Topa in na gamtatna sate apha tawh hong thuk a, a lim nuai beel dinga na paina Israelte’ Pasian, Topa in thaman a cingin hong pia ding hi,” a ci hi.

Mattiu 6:5

“Thu na nget uh ciangin mi simtatte bangin na hih kei un. Bang hang hiam na cih uh leh, mi muh nadingin a ut manun kikhopna inn sung leh lamka bomah dingin thu a ngen nuam uh hi. Aman takpi kong cih-inah, amau in a phattuamna uh a ngah zo uh hi.

Piancilna 15:1

Hih thute khit ciangin mang sungah Topa’ thu Abram’ tungah hong tung a, Abram aw, lau kei in, keimah in nangma' lum ka hi hi; na thaman lian mahmah ding hi,” ci hi.

ROM (Romans) 14:18

Tua bang gamta a, Khazih’ na a sem mi in Pasian lungdam sak a, mite mai-ah minphathuai ahi hi.

ROM (Romans) 1:1

Mipawl lamsang ah David’ suan ahi, sihna pan a thawhkikna hangin a siangtho Kha lamsang ah vangliatna a nei, Pasian’ Ta kici i Topa Zeisu Khazih ahi,

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Mattiu 10:41

Pasian’ kamsangpa in kam sangpa ahih maninah, tua kamsangpa a ngaite in Pasian’ kamsangpa’ phattuamna a ngah ding hi. Misiangtho in mi siangtho ahih maninah, tua misiangtho a ngaite in misiangtho’ phattuamna a ngah ding hi.

Hebru 9:15

Tua ahih ciangin thuciamna masa hun lai takin mawhna a tatkhiat nadingin, sihna thuakna om zo ahih ciangin a sap mite in a luah tawntungna tawh kipawl thuciamna ngah nading, tua Topa in thuciamna thak khamna a suak hi.

1 KORIN MASA 11:23

Bang hang hiam na cih uh leh, note kiangah ka hong piak thu in Topa kianga ka ngahsa hi. Ka ngahna in: Topa Zeisu a galte’ khut sungah a kipiak ding nitakin khomun la a,