Kolose 3:21 - Tedim Bible

²¹ Pate aw, na tapate na tanute uh lungkiat nading, thanem nading a om loh nadingin amaute hehsak kei un.

Tedim Bible Revision 2017

²¹ Pate aw, na tate un a thuak zawh loh zah dong dingin thuhilhin taii niloh kei un.

Kolose 3:21 Referans Kwoze

Efesa 6:4

Pate aw, na tapate na tanute uh heh nading bawl kei un. Pasian’ deihna tawh kituakin tai-in hilh un la, vaak un.

Paunak 3:12

Bang hang hiam cih leh, pa in a pahtak a tapa a thuhilh bangin, Topa in a it mite a thuhilh hi.

Late 103:13

Pa in a tate a hehpih bangin, Topa in amah a zahtakte hong hehpih hi.

Kolose 3:22

Silate aw, Pasian kihta-in, mihing pahtaak ding ut-a mi’ maitang bekah mang hi loin, lungka loin, ci-le-sa tawh kipawl na tote uh thu khempeuh na mang un.