Kolose 3:2 - Tedim Bible

² Leitungah a om nate lunggulhin om kei un, atung lam nate bek lunggulhin om un.

Tedim Bible Revision 2017

² Vantungah a om thute ngaihsutin nei unla, leitungah a om thute ngaihsutin nei kei un.

Kolose 3:2 Referans Kwoze

1 KHANG TANGTHU MASATE 22:19

Tu-in Topa na Pasian uh a zong dingin na ngaihsutna uh leh na lungsim uh kipsak un. Topa’ min dingin a kilam inn sungah Topa’ thuciamna singkuang leh Pasian’ um-le-beel siangthote a kipaipih theih nadingin kithawi un la, Topa Pasian’ biakinn lam un,” a ci hi.

Kolose 3:1

Tua ahih ciangin note in Khazih tawh thokik khawm na hih uh leh, Pasian’ ziat lamah a tu Khazih’ omna mun, tung lamah a om nate na zong un.

Mattiu 16:23

Zeisu kihei a, “Satan aw, ka nungah kinkhia in. Nang in keima suih khak nading na hi hi. Nang in Pasian thu na ngaihsun kei hi; mite thu bek na ngaihsun hi,” ci-in Piter a taai hi.

Mattiu 6:19

“Na sum na paite uh kekseu thei, nget in ne thei leh, gutate in luh a, a guktheihna hih leitungah na khol kei un.

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

Luka 12:15

Tua zawh ciangin Zeisu in, “Note in huaihamna khempeuh kikemin na tang un. Bang hang hiam na cih uh leh, mihing nuntakna in sum hauh nading ahi kei hi,” a ci hi.

Late 62:10

Zawhthawh thu tawh lakna muan’in, nei kei in la, suhgawpnate lamet-in nei kei in; na hauhna a khan’ leh, tuate muan’ in nei kei in.

Late 91:14

Amah in itna tawh kei hong bel ahih manin amah ka honkhia ding a, amah in ka min thei ahih manin mun sangna-ah amah ka koih ding hi.

Luka 16:11

Tua ahih ciangin leitunga a naman lo sum tungah na diktat kei uh leh, sum taktak kua in no hong kemsak ding hiam?

Filippi 1:23

Thu nih kikal ah cih nading meel thei loin ka om hi. Pai-in Khazih tawh ka om ding ka lunggulh hi. Bang hang hiam cih leh, keima adingin a phazaw mahmah ding hi.

Paunak 23:5

Na ngahsa, sumte, mitphiat kalin bei mang thei a, muvanlai bangin thakhatin lengmang thei hi.

Thuhilh-sia 7:14

Nopna na ngah lai takin lungdam in; haksakna na tuah ciangin hih thu ngaihsun in: Lungdamna leh lungkhamna hong piapa in Pasian hi a, mai lam-ah bang piang ding cih kuamah in thei lo hi.

1 KHANG TANGTHU MASATE 29:3

Tua tham loin, a siangtho inn adingin ka koihte khempeuh banah, ngun leh kham keima aa mahmah zong om a, ka pa Pasian’ inn ka ngaihsutna hangin ka Pasian’ innah ka piakte in: