Kolose 3:18 - Tedim Bible

¹⁸ Numeite aw, Topa sungah a kilawm mah bangin, pasalte hong ukna na mang un.

Tedim Bible Revision 2017

¹⁸ Zite aw, Khristiante gamtat dingin a kilawm ahih mah bangin na pasalte uh thu na mang un.

Kolose 3:18 Referans Kwoze

Efesa 5:22

Zite aw, Topa’ ukna na man’ uh mah bangin na pasalte uh ukna na mang un.

1 KORIN MASA 11:3

Pasalte’ lu un Khazih ahi hi, numeite’ lu un pasal ahi hi, Khazih’ lu in Pasian ahi hi ci-in note in na theih nading uh ka deih hi.

Piancilna 3:16

Tua ciangin numei' kiangah, “Naupaina-ah na gimna nakpi takin ka khangsak ding a, gimna tawh nau na suak ding hi. Ahi zongin na pasal mah na deih ding a, amah in nang' tungah hong uk ding hi,” ci hi.

1 TIMOTI MASA 2:12

Numei in thuhilh ding ahi zongin, pasal tungah a uk ding ahi zongin thu ka pia kei hi; amah in pau loin a om ding ka deih hi.

Esther 1:20

Tua banga kumpipa’ thupiakna thu kumpigam sung khempeuh ah a kizak ciangin numei khempeuh in a neu a lian amau’ pasal ciat zahtak ding uh hi,” a ci hi.

1 KORIN MASA 14:34

Misiangthote’ pawlpi khempeuh sung panin numeite in pawlpi lakah pau loin om ta uh hen. Bang hang hiam na cih uh leh, amau in thuhilh nading thu a om kei hi. Thukham in a tan’sa bangin amau in ukna nuai-ah om ta uh hen.

Sawltak 5:29

Piter leh adang sawltakte in, “Mi’ thu sangin Pasian’ thu ka man’ ding uh a kilawm zaw hi.

Efesa 5:3

Numei tawh khialhna, lunggulh kihhuaina, apawl pawl huaihamnate, misiangthote in tan’ ding a kilawm ahih maninah kampau nangawnin kizom kei un.

Efesa 5:9

Bang hang hiam na cih uh leh, khuavak’ gah in a hoihna khempeuh, dikna khempeuh, thuman thutak ahi hi.