Kolose 3:17 - Tedim Bible

¹⁷ Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

Tedim Bible Revision 2017

¹⁷ Na kampauna, na gamtatnate khempeuh uh ah, Topa Jesu hangin Pa Pasian tungah lungdam kohna-in Jesu min paulamin na hih ding uh hi.

Kolose 3:17 Referans Kwoze

1 KORIN MASA 10:31

Tua ahih ciangin note in anneek tuidawn akipan na khempeuh na bawl uh ciangin Pasian’ minthan’ nading ngaihsunin na hih un.

Kolose 3:23

Mi’ nasem bang bek hi loin, Topa’ nasem bangin na hihna khempeuh uhah itna lungsim tawh hih ta un.

Paunak 3:6

Na hihna khempeuh ah amah phawk in; tua hi leh lampi maan hong lak ding hi.

Efesa 5:20

Na khempeuh ah hong hehpihna lian hi ci-in i Topa Zeisu Khazih’ min suangin Pa Pasian tungah lungdamna na puak tawntung un.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.

1 THESALONIKA MASA 5:18

Na khempeuh ah a hong hehpihna phat un. Bang hang hiam na cih uh leh, note in tua bang na bawl dingun Zeisu Khazih hangah Pasian’ deihna ahi hi.

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

Hebru 13:15

Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

1 JOHAN MASA 3:18

Ka ta neute aw, eite in kampau bek tawh ahi zongin, leii bek tawh ahi zongin ki-it loin, sepna bawlna tawh a mantak ki-it ni.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

Micah 4:5

Bang hang hiam cih leh mi khempeuh in, amau’ pasian ciat bia-in a thu mang ding uh a, ahi zongin eite in i hih leh i Topa Pasian a tawntungin bia-in a thu i mang ding hi.

Sawltak 4:30

lau loin na thu a gen na’ngun a siangtho Sila Zeisu’ min tawh lim leh nalamdang a kibawl theih na’ngin hong hehpih in,” ci-in thu a ngen uh hi.

2 THESALONIKA NIHNA 2:17

note’ lungsim hong hehnemin, na ahoih leh thu ahoih apawl apawlah note hong kipsak ta hen.

Sawltak 19:17

Tua thu Efesa khua-ah a om Judah mite leh Grik mite khempeuh in a zak ciangin a lau uh a, Topa Zeisu’ min a phat uh hi.

Kolose 1:12

Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

1 JOHAN MASA 2:23

Ta a nial mi in Pa a nei kei hi. Ta a mang mi in Pa zong a nei hi.

ROM (Romans) 1:8

Nomau thu-upna in leitung gam khempeuh ah kizel ahih ciangin nomau hangin Zeisu Khazih tawh Pasian’ hehpihna ka phat masa bel hi.

Hebru 1:5

Bang hang hiam na cih uh leh: “Nang in ka Tapa na hi hi, Tuni-in na Pa ka suak zo hi,” ci-in ahi zongin, “Keimah in ama Pa ka hi ding hi, Amah in zong ka Tapa ahi ding hi,” ci-in ahi zongin a kua vantungmi kiangah khatvei beek thupia ngei ahi hiam?

1 THESALONIKA MASA 1:1

Paul, Silvanas leh Timoti-te in Pa Pasian leh Topa Zeisu Khazih sungah kip-a a om Thesalonika pawlpi kong zasak uh hi: Hehpihna thupha leh nopna in nomau tungah om ta hen.

1 KUMPI MASATE 18:32

tua ciangin tua suangte tawh Topa’ minin biakna tau khat lam hi. Amah in khaici lawh nih a ta dingin a lian hawklam khat biakna tau kimkotah bawl hi.

Kolose 3:15

Note lungsim sung uhah Khazih’ nopna na uksak un. Tua bang deihna-in note in pum khat bek sungah hong sapna a ngah na hi uh hi. Hehpihna phatna lungsim na nei un.