Kolose 3:15 - Tedim Bible

¹⁵ Note lungsim sung uhah Khazih’ nopna na uksak un. Tua bang deihna-in note in pum khat bek sungah hong sapna a ngah na hi uh hi. Hehpihna phatna lungsim na nei un.

Tedim Bible Revision 2017

¹⁵ Note pum khat suakin a lungdam khawm dingin Pasian in a hong sap ahih mah bangin Khris hong piak nopsakna in noteʼ lungsim hong uk ta henla, lungdamin om ta un.

Kolose 3:15 Referans Kwoze

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Isaiah 26:3

Topa aw, nang hong muang a, nangma tungah a lungsim kip mipa, lungnopna kicing na pia ding hi.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

1 THESALONIKA MASA 5:18

Na khempeuh ah a hong hehpihna phat un. Bang hang hiam na cih uh leh, note in tua bang na bawl dingun Zeisu Khazih hangah Pasian’ deihna ahi hi.

Late 29:11

Topa in a mite hatna pia ta hen! Topa in a mite nopna thupha pia ta hen!

ROM (Romans) 5:1

Tua ahih ciangin i upna tawh dikkisakna i ngah ahih ciangin eite Topa Zeisu Khazih hangin Pasian tawh i kilem hi.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Efesa 5:20

Na khempeuh ah hong hehpihna lian hi ci-in i Topa Zeisu Khazih’ min suangin Pa Pasian tungah lungdamna na puak tawntung un.

2 KORIN NIHNA 9:11

Tua bangin note in hehpihna lungsim tawh apawl apawl hawmsak a, na piak nadingun na khempeuh na hauh uh ciangin kote tungah Pasian’ hehpihna phatna ding a om ding hi.

Efesa 4:4

Note hong sapna lametna khat bek hangah hong koih ahih mah bangin, pumpi khat, Kha Siangtho khat bek a om hi.

ROM (Romans) 14:17

Bang hang hiam na cih uh leh, Pasian’ Gam in an nekna, tui dawnna-ah a kip kei hi. Kha Siangtho hanga kingah dikna, kilemna leh lungdamna-ah a kip hi.

Late 116:17

Lungdamkoh biakpiakna nang tungah kong pia ding a, Topa tungah thu kong ngen ding hi.

1 TIMOTI MASA 2:1

Tua ahih ciangin Pasian biakna lamah nuamsa-in, a kilawm gamtatna apawlpawlte bawlin kilemin, nuam takin i om nadingin, kumpi-a kipan ukna a nei mi khempeuh leh mi pawl khempeuhte ading thungenin, thuumin, itna pia-in, hehpihna phatna bawl dingin a masa-in ka hong zol hi.

Efesa 5:1

Tua ahih ciangin note in Pasian’ it tate na hih uh mah bangin Pasian a suun mite na suak un.

2 KORIN NIHNA 4:15

Bang hang hiam na cih uh leh, hehpihna in mite hangin khang a, Pasian’ minthan’na ading hehpihna phatna a kicin’ nadingin na khempeuh note ading ahi uh hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Mangmuhna 7:12

“Amen! i Pasian tungah a tawntungin phatna leh minthan’na, pilna leh hehpih phatna, pahtawina, vangliatna leh hatnate om tawntung ta hen, Amen,” a ci uh hi.

Efesa 4:16

Tua lutang pan guh-le-tangte in thahatna ngahin, a pumpi khempeuh kizom kimatin, na khempeuh in amau nasep tek a sep mah bangin, itna tawh ama pumpi lam dingin a khang sak hi.

Late 107:22

Lungdamkoh piaknate pia-in, ama nasepnate lungdam late tawh amaute gen sak un!

Kolose 1:12

Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.

Late 100:4

Lungdam kohna tawh ama kongpi-ah lut un la, phatna tawh ama huang sungah tum un; Ama tungah lungdam ko un la, ama min phat un!

Hebru 13:15

Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

1 KORIN MASA 7:15

Ahi zongin thu-um lo mi in kikhen a ut leh, kikhen ta hen. Tua bang ahih leh, sanggampa ahi zongin, sanggamnu ahi zongin kihencipna om lo hi. Bang hang hiam cih leh, eite in kilem a, om nadingin Pasian in hong sam zo hi.

ROM (Romans) 1:21

Amaute in Pasian a thei uh hi napi-in Pasian phat ding a kilawm zahin a phat kei uh a, ama hehpihna phat lo uh tham loin, amau in mawkna-in a ngaihsun uh a, ciamteh thei loin amau lungsim uh a mial hi.

Jonah 2:9

Ahih hangin keimah in ka hih leh lungdamna aw tawh biakna kong pia ding hi; ka ciamsa ka tangtung sak ding hi. Gupkhiatna in Topa’ aa ahi hi!” a ci hi.

Isaiah 27:5

Tua ahih kei leh keima hutna sungah amaute om hen la, amaute in kei tawh kilemna bawl-in, amaute kei tawh kilem ta uh hen.”

Isaiah 57:19

Nopsakna, nopsakna, a gamla leh a nai mi khempeuh tungah om ta hen; keimah in amaute ka damsak ding hi, Topa in ci hi.

1 KORIN MASA 10:17

Khomun pumkhat bek om a, eite khempeuh in pumkhat bek i hi a, tua khomun zomin i ne ahih ciangin a tampi ahi eite in pumkhat bek i hi hi.

1 TIMOTI MASA 6:12

Upna thu tawh kipawl galdona a pha na do in. Nuntak tawntungna na len in. Tua nuntakna ngah dingin nang in hong sapna na ngah a, teci tampite maiah na pang ngei hi.