Kolose 3:13 - Tedim Bible

¹³ Khat leh khat na kimawhsak nading uh a om ciangin kithuak un la, na kiniamsak un. Topa in note mawhna hong maisak mah bangin note zong khat leh khat na kimaisak ciat un.

Tedim Bible Revision 2017

¹³ Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in noteʼ mawhna hong maisak bangin note zong khatlekhat na mawhna uh na kimaisak ding uh hi.

Kolose 3:13 Referans Kwoze

Efesa 4:32

Khat leh khat na kihehpih un, thupha na kibawl un la, Khazih’ hangah Pasian in na mawhna uh hong maisak mah bangin note khat leh khat mawhna kimaisak un.

Marka 11:25

Note ding-in thu na nget uh ciangin, midang peuhmah tungah lungkim lohna na neih uh leh;

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Efesa 4:2

Na khempeuh panin kiniamsakna tawh, lungnemna tawh, lungduaina tawh dimin, itna lungsim tawh khat leh khat kithuakin,

Mattiu 6:12

Kote tungah hong mawhte ka maisak uh bangin, Kote mawhna zong hong maisak ta in.

2 KORIN NIHNA 6:6

lungsim siangthona, pilna, lungduaina, hehpihna bawlna, Kha Siangtho ngahna, it kheem lo it takpina,

Galati 6:2

Van puak ding a omte khat leh khat kihuhin na pua un la, Khazih’ thukham na zui un.

2 KORIN NIHNA 2:10

Midangte mawhna na maisak uh leh, tuate’ mawhna keimah in zong ka maisak ding hi. Bang hang hiam na cih uh leh, keimah in mi khat mawhna ka maisak ngei leh, note hong ngaihsunin Khazih’ mai-ah ka maisak hi.

Luka 23:34

Zeisu in, “Pa aw, amau in bang ahih uh cih thei lo ahih uh ciangin amau mawhna na maisak in,” a ci hi. Amau in lai aisaan-in a puante a hawm uh hi.

Luka 11:4

Ko tungah hong mawhte ka maisak uh bangin, kote mawhna zong hong maisak ta in; Kheemna hong thuaksak kei in,’ ci-in na ngen un,” a ci hi.

Mattiu 5:44

Ke’n kong cih-inah vantungah a om na Pa uh Pasian’ tate na suah nadingun na galte na it un. Hong bawlsiate ading thu na ngetsak un.

1 PETER MASA 2:21

Bang hang hiam na cih uh leh, tua bang deihna in note hong sam zo hi. Khazih in zong note ading gimna thuak a, ama khekhap na zuih nadingun a lim a koih zo hi.

ROM (Romans) 15:7

Tua ahih ciangin Khazih in note hong man’ mah bangin note in Pasian’ minphatna kilangsakin, khat leh khat na kimang un.

Kolose 3:12

Tua ahih ciangin note in Pasian’ teel mi, a siangtho mi, a it mite bangin hehpihna, thupha bawlna, sin kiniamsakna, lungneemna, heh baih lohna lungsimte na silh un.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Paunak 19:11

Pilna in mi lungduaisak a, mi’ hong hehsaknate kiphawkmawh bawlna in minthan’na hi.