Kolose 3:1 - Tedim Bible

¹ Tua ahih ciangin note in Khazih tawh thokik khawm na hih uh leh, Pasian’ ziat lamah a tu Khazih’ omna mun, tung lamah a om nate na zong un.

Tedim Bible Revision 2017

¹ Note pen Khris tawh a thokik khinte na hih manun, Pasianʼ taklam a kumpi tokhom tungah Khris a tutna mun vantung thute ngaihsutin nei un.

Kolose 3:1 Referans Kwoze

ROM (Romans) 8:6

Bang hang hiam na cih uh leh, ci leh sa lungsim in sihna tawh kituak hi. Kha Siangtho lungsim in nuntakna leh nopna tawh kituak hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

2 KORIN NIHNA 4:18

a kilang lo nate a kip tawntung ahih ciangin a kilang nate en lo ciamteh loin, a kilang lo nate ka en ka ciamteh uh ciangin tawlkhat bek ka thuak uh gimna a zangin a tawntung a gik minthan’ nading a piangsak hi.

Kolose 3:2

Leitungah a om nate lunggulhin om kei un, atung lam nate bek lunggulhin om un.

Mattiu 6:20

Kekseu thei lo, nget in ne thei lo, gutate in luha a guk theih lohna vantungah na sum uh khol un.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Luka 12:33

Na neihsa teng zuak un la, hehpihna na pia un. A lui thei lo dangka-ip na bawl un. Gutate’n naih zo lo a, nget in a suksiat theih lohna vantungah a bei thei lo sum na khol un.

Late 16:11

Nangmah in nuntakna lampi keimah nong lak hi; nangma omna-ah lungdamna lian om a, na tak lam ah nop tawntungnate om hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Luka 22:69

Ahih hangin tu-a kipanin Mihing Tapa in Pasian’ vangliatna ziat lamah a tu ding hi,” a ci hi.

Kolose 2:20

Note in leitung thungeek pan Khazih tawh na sikhawm uh ahih leh, bang hangin tua leitungah a om lai bangin na gamta uh hiam? Khatvei zatna tawh a muat pak thei nate ahi, mihing ngeina banga kihilhna leh kikhalna lel ahi—‘Len kei in,’ ‘Ciam kei in,’ Lawng kei in,’ kici thute bang hangin mangin na om uh hiam?

Hebru 8:1

Tu-a-kigensa thute a bulpi in tua bang siampi ukpa i nei a, Amah in vantung vanglianpi tokhom ziat lamah tu-in a om hi.

ROM (Romans) 8:34

Mawhsakna thu a khenpa in kua ahi hiam? Sihna a thuak tham loin, sihna pan thokik a, Pasian’ ziat lamah omin, eite ading thu hong ngetsakpa in Khazih ahi hi.

Hebru 10:12

Tua Topa ahih leh, mawhna maisak nadingin biakna khat bek a piak khit-a kipan, Pasian’ ziat lamah a tawntungin tu-in,

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Efesa 4:10

A kumsuk mi in midang ahi kei hi, na khempeuh a kicing sak dingin, vantung na khempeuhte a dawn khengin a kahto mi ahi hi.

Marka 14:62

Zeisu in, “Ka hi hi. Mihing Tapa in vangliatna ziatlam ah tu a, meii tungah hong kumsuk note in na mu ding uh hi,” a ci hi.

Hebru 1:13

Tua tham loin: “Na galte khempeuh na khe nuai-ah Ka koih matengin, Ka ziat lamah na tu in,” ci a, kua vantungmi khatvei beek thupia ngei ahi hiam?

Sawltak 2:34

David in vantung ah a kahto kei hi. Ahih hangin amah in: ‘Topa in ka to kumpipa tungah, Na galte nangma khe ngakna-in ka bawl matengin

Luka 20:42

David in: ‘Topa in Na galte na khe nuai-ah ka koih matengin,

Marka 16:19

Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Marka 12:36

David in: ‘Topa in, Na galte na khe nuai-ah ka koih matengin, Ka ziat lamah na tu in, ci-in ka Topa kiangah a ci hi,’ ci-in Kha Siangtho tawh a gen hi.

1 PETER MASA 3:22

Tua Topa vantungah kahto a, Pasian’ ziat lamah a tu hi. Vantungmite akipan, a ukte leh vangliatnate in ama nuai-ah kikoihin a om hi.

Sawltak 7:55

Amah in Kha Siangtho tawh dim a, vantung a ettoh ciangin Pasian’ vangliatna leh Pasian’ ziat lamah a ding Zeisu a muh ciangin,

Mattiu 22:44

David cihna in: “Topa in, ‘Na galte na khe nuai-ah ka koih matengin, Ka ziat lamah na tu in,’ ci-in, ka Topa kiangah a ci hi,” ci-in David in a ci hi.

Paunak 15:24

Mipilte in nuntakna lampi zuito uh a, sihna lampi zuisuk lo uh hi.

Late 110:1

Topa in ka to kumpipa tungah, “Na galte nangma khe ngakna-in ka bawl matengin ka taklam khutah tu in,” a ci hi.

Thuhilh-sia 10:2

Mipilte a man-a a gamtat ding a ngeina hi a, mihaite a sia-a gamtat ding a ngeina ahi hi.

Efesa 5:22

Zite aw, Topa’ ukna na man’ uh mah bangin na pasalte uh ukna na mang un.