Kolose 2:9 - Tedim Bible

⁹ Bang hang hiam na cih uh leh, Pasian’ lim tawh a dim khempeuh in Khazih’ pum sungah kilangin a om hi.

Tedim Bible Revision 2017

⁹ Bang hang hiam cih leh mihing hong suahna sungah Khris in Pasianʼ pianzia khempeuh a kimtakin nei a,

Kolose 2:9 Referans Kwoze

Kolose 1:19

Bang hang hiam na cih uh leh, a kicin’na khempeuh a Tapa sungah a kipsak nading ahi zongin,

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 10:30

Keimah in ka Pa tawh pumkhat ka hi uh hi,” ci-in a gen hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Johan 10:38

Ahih hangin, ka gamtat leh, kei nong um kei uh zongin ka bawlna thu um un. Tua bangin na up uh leh, Pa in kei sungah om a, kei in Pa sungah ka om cih thei-in na ciamteh ding uh hi,” a ci hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

Johan 14:20

Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Titu 2:13

nialin; tu lai hunin khuaval zulhtat lohna, thuman gamtatna, Pasian biakna lamah nopsakna bawl nadingin, Pasian’ hehpihna thupha hong kilang a, mi khempeuh kiangah gupna thu hong paipih zo hi.

Luka 3:22

Kha Siangtho pum nei-in vakhu bangin ama tungah kumsuk a, “Nangmah in ka lung hong damsak ka it, ka Tapa na hi hi,” ci-in vantung panin aw khat a ging hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

2 KORIN NIHNA 5:19

Tua thu in, Pasian in Khazih sungah om a, leitungmite’ mawhna ciamteh loin amah tawh kilemsak a, tua kilemsakna thu kote hong pia hi.

1 JOHAN MASA 5:7

Kha Siangtho in teci hong pang hi. Bang hang hiam na cih uh leh, Kha Siangtho in thuman thutak ahi hi.

Johan 2:21

Ahih hangin tua bang a genna in ama pumpi biakna inn a cihnopna-in a gen ahi hi.

Johan 1:16

Ama kicin’na pan i ngah hehpihna in khat banah khat i ngah sawnsawn hi.

Sawltak 17:29

Pasian’ suan i hih ciangin Pasian pen mi lungsim siamna leh khutsiamna tawh a kibawl kham tawh, ngun tawh, suang tawh kibang hi ci-a i up ding a kilawm kei hi.

Luka 14:22

A nasempa in, ‘Topa aw, na cih mah bangin ka sap hangin omna a awng lai hi,’ a ci hi.