Kolose 2:23 - Tedim Bible

²³ Tua bang ngeina in ut thu biakna, lung kiniamsakna, pumpi bawlsiatna tawh kipawl pilna a nei bangin a om hangin, pumpi deihna zuih loh nading, khaam nadingin a kiman’na khat beek a om kei hi.

Tedim Bible Revision 2017

²³ Hih bang gamtatnate pen a tungtham in i et ciangin limtakin biaknopna lungsim a piangsak ding, kiniamkhiatna a piangsak ding, pumpi ki-uk zawhna a piangsak ding tawh kibang hi. Ahi zongin a taktakin hihte khat beek in pumpi ki-uk zawhna piangsak zo lo hi.

Kolose 2:23 Referans Kwoze

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

Kolose 2:18

Lutang suang loin, pumpi ci-le-sa tawh kipawl ama lungsim tawh kisathei mawkin, ama theih loh a muh loh thute kantelin lungsim kiniamsakna-ah ahi zongin, vantungmi biakna-ah ahi zongin, nuamsa-a a om mi khat nangawn note lungdamna kisutsak kei un.

Kolose 2:8

Khazih thu zui lo mite’ tangthu leh leitung thungeek zui-in, leitung pilna leh mawkna khempeuh hangin note kuamah in hong sut, hong bawlsiat theih loh nadingin kikem un.

Kolose 2:22

Tua nate khempeuh zatna hangin muat nading a piang ding hi.

Efesa 5:29

Bang hang hiam na cih uh leh, ama ci-le-sa a mudah mi khat beek a om kei hi. Khazih in pawlpi a vaak a kep mah bangin mi in zong ama sa a vaak a kem hi.

ROM (Romans) 13:14

Topa Zeisu Khazih silh un la, na pumpi huaiham na’ng uh note in na ngaihsun kei un.