Kolose 2:22 - Tedim Bible

²² Tua nate khempeuh zatna hangin muat nading a piang ding hi.

Tedim Bible Revision 2017

²² Hih nate pen i nek, i zat khit ciangin a maimang hi lel a, mihingteʼ bawl tawm thuhilhna le ngeina hi lel hi.

Kolose 2:22 Referans Kwoze

Isaiah 29:13

Tua ciangin Topa in: “Amaute’ lungsim kei tawh kigamla napi-in hih mite in a kam uh tawh kei kiangah hong nai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi;

1 KORIN MASA 6:13

An leh tui in gilpi ading, gilpi in zong an leh tui ading ahih hangin tua tegel Pasian in a siasak ding hi. Pumpi in numei tawh khialhna ading ahi kei hi: Topa ading hi a, Topa in zong pumpi ading ahi hi.

Johan 6:27

A sia thei an ngah nadingin hahkat kei un; Mihing Tapa in no hong piak ahing tawntung nuntak tawntungna an na ngah nadingun hahkat un. Bang hang hiam na cih uh leh, Pasian’ ciamtehna a ngahpa in tua Tapa ahi hi,” a ci hi.

Daniel 11:37

Kumpipa in a pu a pate’ biak pasian leh, numeite’ it pasian a thusim kei ding hi. Pasian a kici peuhmah thusim khat beek a nei kei ding hi. Bang hang hiam cih leh tuate sangin amah a lian zaw-in a kingaihsun hi.

Isaiah 29:18

Tua ni ciangin bilngongte in laibu sunga thute za ding a, lungzin’na leh khuamialna sung panin mittawte’ mit in mu ding uh hi.

Mangmuhna 17:18

Na muh numei zong leitung kumpite a uk khuapi ahi hi,” ci-in ka kiangah hong gen hi.

2 PETER NIHNA 2:12

Hih mite ahih uh leh, ngaihsut pilna nei lo ganhingte bangin ahi uh a, siatna a thuak ganhingte taktak bangin amaute in a theih tel loh uh nate kosia-in, a siatsak uh hangin, kisiatna a man takin tungin,