Kolose 2:20 - Tedim Bible

^20-21 Note in leitung thungeek pan Khazih tawh na sikhawm uh ahih leh, bang hangin tua leitungah a om lai bangin na gamta uh hiam? Khatvei zatna tawh a muat pak thei nate ahi, mihing ngeina banga kihilhna leh kikhalna lel ahi—‘Len kei in,’ ‘Ciam kei in,’ Lawng kei in,’ kici thute bang hangin mangin na om uh hiam?

Tedim Bible Revision 2017

²⁰ Khris tawh si khawm khin na hih manun huihlak a ukteʼ khut sung panin a suakta khin na hi uh hi. Tua hi napi-in, bang hangin hih leitung mite bangin gamta na hi uh hiam? Bang hangin ngeina a tuamtuamte,

Kolose 2:20 Referans Kwoze

Kolose 2:8

Khazih thu zui lo mite’ tangthu leh leitung thungeek zui-in, leitung pilna leh mawkna khempeuh hangin note kuamah in hong sut, hong bawlsiat theih loh nadingin kikem un.

Kolose 2:16

Tua ahih ciangin annek tuidawn ahi zongin, pawikham ni, kha det ni, Nipi ni tawh kipawl thute ahi zongin, note kuamah in kidongin thu kikhensak kei un.

Galati 4:3

Tua mah bangin eite i neu lai takin leitung thungeek khut nuai-ah sila in, i om hi.

Kolose 2:14

Eite lang khatah kilem lo-a a om ngeina tawh kipawl kiciamna lai sumangin, singlamteh tungah khen a, eite kikal sung pan a paaimang hi.

1 JOHAN MASA 5:19

Eite in Pasian’ tate i hi hi cih thu i thei hi, leitung khempeuh in a gilo mi’ khut sungah a om thu zong i thei hi.

Hebru 13:9

A tuam dangdang, a lamdangdang thuhilhna thak zui kei un. An nek hang hi lo, thupha hehpihna hangin lungkhauh a, na om uh leh, a pha hi. An nekna bek a ngaihsun mite in na manpha a ngah zo kei uh hi.

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

Galati 6:14

Kei ka hih leh, eite Topa Zeisu Khazih’ singlamteh sim loh, bangmah dangah ka kisathei het kei ding hi. Tua singlamteh ah hih leitung in kei ading kikhenin a om hi. Keimah in zong leitung ading kikhenin ka om hi.

2 KORIN NIHNA 10:3

Bang hang hiam na cih uh leh, kote in ci-le-sa ngeina bangin ka gamtat uh hangin ci-le-sa ngeina bangin gal ka do kei uh hi.

Johan 15:19

Note in leitung mite tawh na kipawl uh leh, leitung mite in amau mipawl note hong it ding uh hi. Ahih hangin leitung mite lak pan note kong teelkhia hi; leitung mite tawh na kipawl kei uh a, tua ahih ciangin leitung mite in no hong mudah uh hi.

Efesa 2:15

ngeina tawh kipawl Thukham kilemlohna thu a pumpi sungah a paihkhiat khit ciangin kikhen khia a, om kikal dalna kawm phelkhia-in, mi pawl nihte pawl khat bek a suak sak hi. Bang hang hiam na cih uh leh, gal kilem sakin ama sungah tua pawl nihte in pawl thak khat bek a suah nadingin bawl pha a, pawl khat bek suah khin a,

Kolose 3:3

Bang hang hiam na cih uh leh, note in na si zo uh a, note nuntakna in Khazih tawh Pasian sungah kiseel khawmin a om uh hi.