Kolose 2:19 - Tedim Bible

¹⁹ Lu tung pan pumpi khempeuh in a guh a taang tawh a kipawlnate hangin thahatna piangin, Pasian’ deihna tawh kituakin a khang thei hi.

Tedim Bible Revision 2017

¹⁹ lutang ahi Khris a len nawn lo uh ahi hi. Lutang ahi Khrisʼ ukna tawh pumpi na khempeuh kizom dimdiam uh ahih manin pumpi in thahatna ngah a, Pasianʼ deih bangin a khangto hi.

Kolose 2:19 Referans Kwoze

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

1 PETER MASA 3:8

A tawpkhakna kam in, note khempeuh lungsim kikhatin om un, hehpihna lungsim nei un. Unau bangin na ki-it un, na kidahpih un, lungniamkhiatna na nei un.

1 THESALONIKA MASA 4:10

Tua tham loin, Makedonia gam mun khempeuh ah a om ute naute khempeuh tungah tua bang na hih uh hi. Ahih hangin ute naute aw, note in khangin, na hauh semsem theih nadingun ahi zongin,

1 THESALONIKA MASA 3:12

Tua Topa in a misiangthote tawh a hong kumsuk khawm ciangin, eite Pa Pasian mai-ah Topa in amau lungsim sian’thona-ah mawhsak nading om loin, a kipsak nadingin, kote in note kong it uh mah bangin note khat leh khat ahi zongin, mi khempeuh ahi zongin na itin, ki-itna ah khangin na kicin’ nadingun Pasian in hong bawl ta hen.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

Kolose 1:18

Amah in pawlpi ahi, pumpi’ lutang ahi hi. Na khempeuh ah amahmah a sangbel a suah nadingin a kipahtawi hi a, misite lakpan Ta upa a suak hi.

Kolose 1:10

Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,

Filippi 1:27

Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

Efesa 5:29

Bang hang hiam na cih uh leh, ama ci-le-sa a mudah mi khat beek a om kei hi. Khazih in pawlpi a vaak a kep mah bangin mi in zong ama sa a vaak a kem hi.

Efesa 4:3

kilem a, kipawlin, kikhopna hangin note in Kha Siangtho hanga na ngah uh pum khat bek ahihna na zuih nadingun na hahkat un.

Efesa 1:22

Pasian in Khazih’ khe nuai-ah na khempeuh khiasukin, na khempeuh tungah a uk lutang suak sakin pawlpi adingin a pia hi.

1 KORIN MASA 3:6

Keimah in a suanpa ka hi hi. Apollos in tuibuakpa ahi hi. A kung a khangsakpa ahih leh, Pasian ahi hi.

1 KORIN MASA 1:10

Ute naute aw, note khempeuh in kam kikhat na gen uh a, kikhenthang loin, lungsim kikhatin, kiciamtehna kikhatin, kicing takin na om nadingun i Topa Zeisu Khazih’ min tawh kong thuum hi.

ROM (Romans) 11:17

A hiang kimkhat in a kitan khit ciangin gamlak oliv hiang ahi nangmah in, amau pum tungah pehin kibulh a, hiangte tawh kibangin oliv sing thazung tui zomin na neek leh,

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

1 KORIN MASA 11:3

Pasalte’ lu un Khazih ahi hi, numeite’ lu un pasal ahi hi, Khazih’ lu in Pasian ahi hi ci-in note in na theih nading uh ka deih hi.

Efesa 1:23

Tua pawlpi in na khempeuh, na khempeuh tawh a kicing sakpa’ kicin’na a hi Khazih’ pumpi ahi hi.

Efesa 2:21

Tua suang leh inn khempeuh in kizomin khang a, Topa sungah a siangtho biakinnpi ahi hi.

Luka 5:38

Leenggahtui thak savun um thak sungah a kithun ding hi.