Kolose 2:18 - Tedim Bible

¹⁸ Lutang suang loin, pumpi ci-le-sa tawh kipawl ama lungsim tawh kisathei mawkin, ama theih loh a muh loh thute kantelin lungsim kiniamsakna-ah ahi zongin, vantungmi biakna-ah ahi zongin, nuamsa-a a om mi khat nangawn note lungdamna kisutsak kei un.

Tedim Bible Revision 2017

¹⁸ Maang a muhna hangun a thupi diakin kingaihsunin, a kilawm lo zah dongin kiniamkhiat nading le vantung mite biak ding a hong hanthawn miteʼ khem sa-in ta kei un. Tua bang mite pen amauʼ ngaihsut tawmna tawh a kihisak mawk hi a,

Kolose 2:18 Referans Kwoze

Kolose 2:8

Khazih thu zui lo mite’ tangthu leh leitung thungeek zui-in, leitung pilna leh mawkna khempeuh hangin note kuamah in hong sut, hong bawlsiat theih loh nadingin kikem un.

1 TIMOTI MASA 1:7

Tuate in Thukham hilhna a sep nop uh hangin amau kampau ahi zongin, bang ci thu lamah amaute in a kiptakin ahilh uh ahi zongin a thei kei uh hi.

Kolose 2:23

Tua bang ngeina in ut thu biakna, lung kiniamsakna, pumpi bawlsiatna tawh kipawl pilna a nei bangin a om hangin, pumpi deihna zuih loh nading, khaam nadingin a kiman’na khat beek a om kei hi.

1 TIMOTI MASA 4:1

Kha Siangtho in a tel taka a genkholh inah, a tawpna hun ciangin,

2 KORIN NIHNA 11:3

Gulpi in ama zuauna tawh Evua a kheem mah bangin note lungsim ngam-in kisia-in, Khazih lamah a om khin na lungsim siangtho uh a mangthang ding hi ci-in ka lunghihmawh hi.

ROM (Romans) 1:25

Bang hang hiam na cih uh leh, Pasian’ thuman thutak pen thuzuau tawh a kheek uh a, a Piangsakpa nusia-in a pian’sakte a bia uh hi. Tua Topa in thupha a ngah tawntung hi. Amen.

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mangmuhna 3:11

A manlangin ka hong pai ding hi. Na kumpilukhu kuamah in a lakkhiat loh nadingin, na neihsa na a kip takin len in.

1 JOHAN MASA 2:26

Note hong kheem mite thu uh hih bangin kong gelh hi.

Filippi 3:14

Khazih Zeisu sungah Pasian in tung lam pan hong sapna tawh kipawl lungdamna ngah nadingin, kidemin kung dongin hahkatin ka tai hi.

Efesa 5:6

A mawkna kam tawh note kuamah kikheem sak kei un. Bang hang hiam na cih uh leh, tuate hangin Pasian’ hehna in a nial thei mite tungah a tung hi.

1 KORIN MASA 8:1

Milim kipia ganhing thu panin, eite khempeuh in pilna i neih i thei hi. Pilna in hong kisathei sak hi; itna in hong kipsak thei hi.

Daniel 11:38

Tua pasiante sangin kulhpi a dal pasian a thupi sim zaw ding hi. Amah in kham, ngun, suangmanpha leh a thupi letsongte, a pu a pate’ biak ngei loh pasian kiangah a pia ding hi.

Ezekiel 13:3

Topa Pasian’ thugen in hih bang ahi hi: hih kamsang haite in gimna thuak ding uh hi. Amaute in amau’ lungsim bangin thugen tawmin, maangmu kineih uh hi.

Gamlak-vakna 25:18

bang hang hiam cih leh amaute in a khel pilna uh tawh note hong gimsak gawp uh a, Peor tawh kisai thu leh Peor hangin gimna ni-in a kithat, amau’ sanggamnu, Midian uliante tanu Kozbi thu-ah note hong khem uh hi,” a ci hi.

Piancilna 3:13

Tua ciangin Topa Pasian in numei kiangah, “Bangcia hici gamtat na hi hiam?” ci hi. Numei in, Gulpi in kei hong khem a, ka ne hi,” ci hi.

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

Mangmuhna 13:14

Sahang mai-ah amah lah theih ding a ngah nalamdangte hangin amah in leitungah a om mite kheemin, tem satna ma a om, a nungta sahang’ milim khatpeuh peuh bawlsak in ci-in leitungah a om mite kiangah a cih khit ciangin,

Mangmuhna 13:8

Leitung a cil panin thahna a thuak khin Tuuno’ nuntakna laibu sungah a min uh a kigelh lo leitung mi khempeuh in sahang a bia ding uh hi.

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

2 PETER NIHNA 2:14

Amaute in mi’ zi tungah mawh nop lunggulhna tawh a dim uh a, a kham thei lo mittang nei mi ahi uh hi. A kip lo mite a zol thei uh hi; huaiham luatna-ah a siam thei lungsim nei-in, hamsiatna’ tate ahi uh hi.

Kolose 2:4

Kuamah in kheemna kam tawh note hong kheem zawh loh nadingin hih thu ka hong gen hi.

2 KORIN NIHNA 12:20

Bang hang hiam na cih uh leh, ka hong tun’ ciangin note in ka deih mi na hih loh uh a, keimah in zong no deih loh mi hi ding ahi zongin, note lakah kitotna, gendaina, nakpi-a hehna, kiseelna, kiphunsanna, kikhenna, kiphatsak theihna, buaina a suah ding ahi zongin,

1 KORIN MASA 13:4

Itna in a lungduai thei hi, a hehpih thei hi. Itna in ki-elna a om kei hi. Itna in a kisathei kei hi, a kiphasak thei kei hi,

1 KORIN MASA 9:24

Tai kidemte khempeuh a tai uh hangin khat bek in pahtawina a ngah hi cih thei lo na hi uh hiam? Tua ahih ciangin note in zong pahtawina na ngah theih nadingun na tai un.

1 KORIN MASA 4:18

Kei hong pai lo ding ci-in mi kimkhat in a kihisak uh hi.

1 KORIN MASA 3:3

Bang hang hiam na cih uh leh, leitung lungsim a nei mite na hi lai uh hi. Note lakah ki-en’na leh kitotna a om lai tengin leitung lungsim a nei mite hilo na hi uh hiam? Leitung mite’ ngeina bangin gamta hilo na hi uh hiam?

ROM (Romans) 16:18

Bang hang hiam na cih uh leh, eite Topa Khazih’ na sem loin amau gilpi na bek a sem uh a, kamsiam leh kamzol tawh a pha mite a kheem thei uh hi.

Isaiah 57:9

Molek kiangah pai dingin sathau tawh khual na zin a, na paknamtuite tawh na siam tawpin na kipuah hi; nang in gamlapi-ah na kamtaite na sawl a, Leinuai dong nangawn ah na sawl hi.

JOB (Job) 38:2

“Kei’ pilna a nial dingin nang kua na hi hiam? Thu na theih loh lam a kilangsak na hi bek hi.

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga thute khempeuh i zuih theih nadingin a hong lahkhiat thute, eite leh i suan i khakte’ zuih tawntung ding ahi hi.

1 KORIN MASA 4:6

Ute naute aw, note in kote hangin, “A kigelhsa thu khen kei un,” a cihna na theih nading uh ahi zongin, kisathei-in khat muangin khat na nial loh nading uh ahi zongin, ka gensa thu note adingin keimah leh Apollos gentehin kong hilh hi.

Efesa 4:17

Tua ahih ciangin Gentailte in a lungsim kiphatsakna uh tawh a gamtat bangun note in na gamtat nawn loh nadingun Topa’ deihna bangin thuumin kong hanthawn hi.