Kolose 2:15 - Tedim Bible

¹⁵ A sangbel vangliatna leh uknate a laksak khit ciangin, kitel takin lak a, singlamteh hangin zawhna pawi a khaam hi.

Tedim Bible Revision 2017

¹⁵ Amah in huihlak a ukte le vangliatna a nei khempeuh, singlamteh tungah zo gawp khin a, gal zote in a sal matte a kaih uh bangin mi khempeuh muhin a gualzawhna a lak hi.

Kolose 2:15 Referans Kwoze

Hebru 2:14

Tua hi a, tua tate in a si a sa tawh kizom uh ahih ciangin Khazih in zong sihna a thuak ciangin, Dawimangpa ahi sihna a ukpa a suksiat nading ahi zongin, sihna kihta ahih manunah a nungta lai takun a tawntungin a kikhum bangin a omte a suahtak sak nadingin ahi zongin, tua tate bangin si-le-sa a la hi.

Efesa 4:8

Tua ahih ciangin Lai Siangtho in: “A sang munah amah a kahtoh ciangin, mi tampi manin paipih a, mite kiangah thupha letsong a pia hi,” a ci hi.

Mattiu 12:29

Mi khat in, thahatpa hen masa kei leh, a inn sungah bangci tumin a sumte a sut zo ding hiam? Mi thahatpa a hen khit ciangin, a inn sungah sumte kisut zo bek ding hi.

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Efesa 6:12

Bang hang hiam na cih uh leh, eite in ci-le-sa tawh kido i hi kei hi; asang belte tawh ahi zongin, ukte tawh ahi zongin, vangliatna tawh ahi zongin, leitung tawh kipawl khuamial ukte tawh ahi zongin, vantung tawh kipawl munah a om gilo khate tawh ahi zongin i kido hi.

Johan 16:11

Hih leitung ukpa in thukhenna thuak zo ahih ciangin, thukhenna a pulak ding hi.”

Luka 10:18

Zeisu in, “Satan in khuaphia bangin vantung pan hong kiasuk ke’n ka mu zo hi.

Mangmuhna 20:10

Amaute a kheem Dawimangpa in zong sahang leh thuzuau hilh kamsangte omna kat meiphual sungah khiatsukna thuakin, amaute in sun tawh zan tawh a tawntungin bawlsiatna a thuak ding uh hi.

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mite leh mi lehdote’ tung nangawn panin piakkhong nate na ngah hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Kolose 1:16

Bang hang hiam na cih uh leh, tua Tapa hangin Pasian in vantung ahi zongin, leitung ahi zongin-ah a om khempeuh a kimutheite, a kimu thei lote, kumpi tokhomte ahi zongin uknate ahi zongin, a sang belnate ahi zongin, vangliatna ahi zongin, na khempeuh a piangsak hi. Tua Tapa hangah ahi zongin, tua Tapa ading ahi zongin na khempeuh a piangsak hi.

Luka 11:22

Ahih hangin amah sangin a hatzaw mi hong pai a, a zawh khit ciangin, amah in a muan a hiamte sut a, a sumte la-in a hawm ding hi.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

Johan 19:30

Tua hi a, Zeisu in tui a ngah khit ciangin, “A zo zo hi,” ci-a a lu su-in a si hi.

1 KORIN MASA 15:24

Tua ciangin Khazih in ukna aana leh vangliatna apawl pawlte khempeuh siangsakin Pa Pasian tungah Gam a piak khit ciangin leitung a bei ding hi.

2 KORIN NIHNA 2:14

Khazih tawh zawhna pawikhamna-ah kote a tawntung hong paipih a, tua Topa theihtelna namtui, ko hangin mun khempeuh ah a kizeelsak Pasian’ hehpihna phatna a om hi.

Efesa 3:10

Tua ahih ciangin i Topa Khazih Zeisu sungah Pasian’ tawntung ngimna omsa bangin vantungah a om ukna leh vangliatnate in pawlpi hangin, a lamdang Pasian’ lungpilna a kitheih nading ahi hi.

Kolose 2:10

Ukna thu leh vangliatna thu a uk Topa sungah note in kicingin na om uh hi.