Kolose 2:14 - Tedim Bible

¹⁴ Eite lang khatah kilem lo-a a om ngeina tawh kipawl kiciamna lai sumangin, singlamteh tungah khen a, eite kikal sung pan a paaimang hi.

Tedim Bible Revision 2017

¹⁴ Eite adingin a hoih lo, i mawhna a kiciaptehna khempeuh, hong phiatsak a, tuate khempeuh singlamteh tungah kilhcipin a beisak ta hi.

Kolose 2:14 Referans Kwoze

Isaiah 44:22

Na thupalsatnate meiipi bangin, na khialhnate meiilum bangin ka phiatkhia khin zo hi; nang hong tan khin ka hih ciangin kei kiangah hong ciahkik in.

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

Hebru 8:13

‘Thuciam thak’ ci-a thu a piak ciangin, thuciamna masa a luisak hi. A kiam a, a luisa in a man’than nading a nai zo hi.

Hebru 7:18

Thukham in bangmah kicingsak zo lo ahih ciangin tanglai thukham in thahatna nei lo a, phattuamna pia zo lo ahih ciangin paihkhiatna a ngah zo hi.

Kolose 2:20

Note in leitung thungeek pan Khazih tawh na sikhawm uh ahih leh, bang hangin tua leitungah a om lai bangin na gamta uh hiam? Khatvei zatna tawh a muat pak thei nate ahi, mihing ngeina banga kihilhna leh kikhalna lel ahi—‘Len kei in,’ ‘Ciam kei in,’ Lawng kei in,’ kici thute bang hangin mangin na om uh hiam?

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Isaiah 57:14

“Zik un, zik un, lampi bawl khol un, ka mite’ lampi a dongkhak thei ding na khempeuh lakhia un,” kici ding hi.

Late 51:1

Pasian aw, nangma itna kip om bangin kei hong hehpih in la, na hehpihna lian om bangin ka thu palsatnate hong phiatkhiat sak in.

Gamlak-vakna 5:23

“Tua ciangin siampipa in hih hamsiate laibu khat sungah gelhin tuisia sungah sil khia ding hi;

2 THESALONIKA NIHNA 2:7

Bang hang hiam na cih uh leh, a kiseel gitlohna in tu nangawnin na a sep laitak ahi hi. Ahih hangin a nial mi a kilakkhiat dongin a kham mi khat a om hi.

Late 51:9

Ka mawhna na mai panin seel in la, ka khialhna khempeuh hong phiatkhiat sak in.

Esther 3:12

A kha masa a ni sawm-le-thum ni-in kumpipa’ lai-atte khempeuh kisam a, Haman’ genna tawh kizui-in kumpipa’ nuai-ah gam tampi a uk sawnte, gam khat a uk sawnte leh gam uk sawnte’ khut nuai-ah a mi tuamtuamte lakah uliante tungah lai kipaisak hi. Gam khempeuh ah amau’ lai ciat, mi khempeuh tungah amau’ pau ciatin kigelh hi. Hih lai pen Kumpipa Ahasu-eras’ min tawh kigelhin kumpipa’ min thuhna zungbuh tawh min kithuh hi.

Nehemiah 4:5

Amaute in a lang tangin kulh ciangte mai-ah nang hong kosia uh ahih manin amau’ mawhna maisak kei in la, na muhna panin zong a mawhna uh sumit kei in,” ka ci hi.

Luka 1:6

Tua tegel in Pasian’ thukham khempeuh leh Pasian’ ngeina khempeuh zui uh a, mawhsak na’ng om loin Pasian mai-ah mipha ahi uh hi.

Esther 8:8

Kumpipa’ min tawh kigelhin, kumpipa’ minthuhna tawh a kithuh khinsa lai pen kidok kik thei nawn lo ahih manin, tu-in Judah mite tawh kisai-in hoih dinga na up bangin kumpipa’ min tawh a dang thupiakna khat gelh in la, tua khit ciangin kumpipa’ minthuhna zungbuh tawh thuh in,” a ci hi.